സപ്ലൈകോ ഓൺലൈൻ ഭക്ഷ്യ വിതരണ സംവിധാനം ഇനി കേരളമൊട്ടാകെ ; ഓ​ഗസ്റ്റ് മുതൽ സംസ്ഥാനത്ത് എല്ലായിടത്തും സേവനം 

തിരുവനന്തപുരം: സപ്ലൈകോയുടെ ഓൺലൈൻ ഭക്ഷ്യ വിതരണ സംവിധാനം സംസ്ഥാന വ്യാപകമാക്കുന്നു. ഓ​ഗസ്റ്റ് മുതൽ കേരളത്തിലെ എല്ലായിടത്തും സേവനം എത്തിക്കാനാണ് സപ്ലൈകോയുടെ തീരുമാനം. കൊച്ചി ന​ഗരത്തിൽ നടപ്പാക്കിയ  സംവിധാനം വിജയകരമായ പശ്ചാത്തലത്തിലാണ് പുതിയ തീരുമാനം. 

കഴിഞ്ഞ ദിവസം വീഡിയോ കോൺഫറൻസ് വഴി നടന്ന സപ്ലൈകോ ബോർഡ് യോ​ഗത്തിലാണ് ഇത് സംബന്ധിച്ച തീരുമാനം എടുത്തത്. ആപ്പുകൾ വഴി ഇതിനായി ഓർഡർ നൽകാം. സ്റ്റാർട്ടപ്പുകൾ നിർമിച്ച ആപ്പുകളും നിലവിലുളള ഭക്ഷ്യ വിതരണ ആപ്പുകളും ഇതിനായി സപ്ലൈകോ ഉപയോ​ഗിക്കും. സാധനങ്ങൾ എത്തിക്കുന്നതിന് ചെറിയ നിരക്കിൽ ഫീസ് ഉണ്ടാകും‍.  

ബ്രാൻഡഡ് ഉൽപ്പന്നങ്ങൾക്ക് ഓ​ഗസ്റ്റ് മുതൽ ബ്രാൻഡ് ലിഫ്റ്റിങ് ഫീസായി 2,000 രൂപ ഈടാക്കും.  പ്രവാസികൾക്ക് സപ്ലൈകോ സ്റ്റോർ ആരംഭിക്കാൻ അവസരം നൽകാനും ബോർഡ് യോ​ഗത്തിൽ തീരുമാനമെടുത്തു.