സമയം കഴിഞ്ഞിട്ടും നന്നാക്കാത്ത ദേശീയപാത: നിരാഹാര സമരവുമായി രാജ്‌മോഹന്‍ ഉണ്ണിത്താന്‍

കാസര്‍കോട്: ദേശീയപാതയുടെ ശോചനീയാവസ്ഥയ്‌ക്കെതിരെ നിരാഹാര സമരവുമായി രാജ്‌മോഹന്‍ ഉണ്ണിത്താന്‍ എംപി. ദേശീയ പാത അറ്റകുറ്റപണി നടത്താത്തതില്‍ പ്രതിഷേധിച്ചാണ് നിരാഹാര സമരം.

നേരത്തെ പാത നന്നാക്കുവാന്‍ പറഞ്ഞ സമയം കഴിഞ്ഞിട്ടും പാത നന്നാക്കാന്‍ തയ്യാറാകാത്തതില്‍ പ്രതിഷേധിച്ചാണ് സമരം. യുഡിഎഫിന്റെ നേതൃത്വത്തിലാണ് നിരാഹാര സമരം നടത്തുക. 20ാം തിയതി 24 മണിക്കൂര്‍ സൂചന നിരാഹാര സമരം നടത്തും. എന്നിട്ടും പ്രശ്‌നം പരിഹരിച്ചില്ലെങ്കില്‍ 25 മുതല്‍ അനിശ്ചിതകാല നിരാഹാര സമരം തുടങ്ങും.