സര്‍ക്കാരിന് മുകളില്‍ പറക്കരുത്; റെയ്ഡ് നടത്താന്‍ സിപിഎം നിരോധിത പാര്‍ട്ടിയല്ല: ചൈത്രയ്ക്ക് എതിരെ കോടിയേരി

കൊച്ചി: തിരുവനന്തപുരം ജില്ലാ കമ്മിറ്റി ഓഫീസില്‍ റെയ്ഡ് നടത്തിയ എസ്പി ചൈത്ര തെരേസ ജോണിന് എതിരെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. സര്‍ക്കാരിന് മുകളില്‍ പറക്കാന്‍ ഒരു ഓഫീസറും ശ്രമിക്കരുത്. സിപിഎം ഓഫീസില്‍ റെയ്ഡ് നടത്തിയത് വിലകുറഞ്ഞ പ്രസക്തിക്കി വേണ്ടിയാണ്. സിപിഎം നിരേധിത പാര്‍ട്ടിയല്ലെന്നും കോടിയേരി തുറന്നടിച്ചു. പൊലീസ് ഉദ്യോഗസ്ഥര്‍ ശ്രമിക്കേണ്ടത് നിയമവാഴ്ച ഉറപ്പാക്കാനാണ്. എല്ലാ ഓഫീസര്‍മാരും സര്‍ക്കാരിന് വിധേയമായിരിക്കണമെന്നും അദ്ദേഹം പറഞ്ഞു. 

പ്രധാനമന്ത്രിയുടെ കഴിഞ്ഞ ദിവസത്തെ തൃശൂരിലെ പ്രസംഗത്തെയും കോടിയേരി വിമര്‍ശിച്ചു. മോദി തുടര്‍ച്ചയായി കേരളത്തിലെത്തുന്നത് ആസൂത്രിതമാണ്. കേരളത്തെപ്പറ്റി മോദിക്ക് ഒന്നും അറിയില്ല. വസ്തുതാ വിരുദ്ധമായ പ്രചാരണമാണ് പ്രധാനമന്ത്രി നടത്തുന്നത്. പ്രധാനമന്ത്രി സംസാരിക്കുന്നത് ആര്‍എസ്എസ് പ്രചാരകനെപ്പോലെയാണ്. ശബരിമല വിധി നടപ്പാക്കുന്നതില്‍ മോദിക്ക് മൗനമാണെന്നും അദ്ദേഹം പറഞ്ഞു.