തിരുവനന്തപുരം: സിബി മാത്യൂസിന്റെ ആത്മകഥയിലെ സൂര്യനെല്ലി കേസുമായി ബന്ധപ്പെട്ട വിവാദ പരാമര്‍ശങ്ങള്‍ക്കെതിരെ യുവതി മുഖ്യമന്ത്രിക്ക് പരാതി നല്‍കി. മുഖ്യമന്ത്രി പിണറായി വിജയന് പുറമെ വനിതാ കമ്മിഷനും സൂര്യനെല്ലി പെണ്‍കുട്ടി പരാതി നല്‍കിയിട്ടുണ്ട്.
നിര്‍ഭയം എന്ന പേരില്‍ പ്രസിദ്ധീകരിച്ച ആത്മകഥയിലെ പരാമര്‍ശങ്ങള്‍ക്കെതിരെ വലിയ പ്രതിഷേധം ഉയര്‍ന്നിരുന്നു. സമൂഹത്തിന്റെ വിവിധ ഭാഗങ്ങളില്‍ നിന്നുമുള്ള പ്രതിഷേധത്തിന് പിന്നാലെയാണ് സൂര്യനെല്ലി പെണ്‍കുട്ടി മുഖ്യമന്ത്രി പിണറായി വിജയന് പരാതി നല്‍കിയിരിക്കുന്നത്.
ലൈംഗീക പീഢന കേസിലെ ഇരയെ വീണ്ടും അപമാനിക്കുന്നതാണ് സിബി മാത്യൂസിന്റെ ആത്മകഥയിലെ പരാമര്‍ശങ്ങള്‍ എന്നാണ് വിമര്‍ശനം ഉയര്‍ന്നത്. സൂര്യനെല്ലി പെണ്‍കുട്ടിയെ ഒരിക്കല്‍ കൂടി ബലാത്കാരം ചെയ്യുന്നത് പോലെയായി സിബി മാത്യൂസിന്റെ വെളിപ്പെടുത്തലുകള്‍ എന്നും വിലയിരുത്തലുകള്‍ ഉയര്‍ന്നിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
