കൊച്ചി: അപകട സമയത്ത് കാറോടിച്ചിരിന്നത് താനായിരുന്നുവെന്ന് ബാലഭാസ്‌കറിന്റെ ഡ്രൈവര്‍ അര്‍ജുന്‍ പറഞ്ഞിരുന്നുവെന്ന് പ്രകാശ് തമ്പിയുടെ മൊഴി. ആശുപത്രിയില്‍വച്ച് തന്നോട് ഇക്കാര്യം അര്‍ജുന്‍ പറഞ്ഞിരുന്നതായും പ്രകാശ് തമ്പി ക്രൈംബ്രാഞ്ച് അന്വേഷണ സംഘത്തിന് മൊഴി നല്‍കി. കൊച്ചി കാക്കനാട് ജയിലില്‍ വച്ചുനടത്തിയ ചോദ്യം ചെയ്യലിലാണ് പ്രകാശ് തമ്പി ഇക്കാര്യം പറഞ്ഞത്.
ഉറങ്ങിപ്പോയതാണ് അപകടത്തിന് കാരണമെന്ന് അര്‍ജുന്‍ പറഞ്ഞു. മൊഴി മാറ്റിയത് എന്തിനാണെന്ന ചോദ്യത്തിന് ഉത്തരം തന്നില്ല. മൊഴി മാറ്റിയ ശേഷം അര്‍ജുന്‍ തന്റെ നമ്പര്‍ ബ്ലോക്ക് ചെയ്തു. മൂന്നുമാസമായി അര്‍ജുനുമായി ബന്ധമൊന്നുമില്ലെന്നും പ്രകാശ് തമ്പി പഞ്ഞു.
മൊഴി മാറ്റിയതില്‍ സംശയം തോന്നിയപ്പോഴാണ് കൊല്ലത്തെ കടയില്‍ പോയി സിസി ടിവി ദൃശ്യങ്ങള്‍ പരിശോധിച്ചത്. എന്നാല്‍ അതില്‍ നിന്നും വിവവരങ്ങള്‍ ഒന്നും ലഭിച്ചില്ലെന്നും പ്രകാശ് തമ്പി മൊഴി നല്‍കി.
ബാലഭാസ്‌കറിനൊപ്പം രണ്ടുതവണ ദുബൈയില്‍ പരിപാടിക്ക് പോയിട്ടുണ്ടെന്നും പ്രകാശ് തമ്പി പറഞ്ഞു. ബാലഭാസ്‌കറുമായി തനിക്ക് യാതൊരു സാമ്പത്തിക ബന്ധവുമില്ല. തന്റെ കൈവശമുണ്ടായിരുന്ന ബാലഭാസ്‌കറിന്റെ ക്രെഡിറ്റ്, ഡെബിറ്റ് കാര്‍ഡുകള്‍ ഭാര്യ ലക്ഷ്മിയ്ക്ക് തിരിച്ചു നല്‍കി. സ്വര്‍ണക്കടത്തുമായി ബാലഭാസ്‌കറിന് ബന്ധമൊന്നും ഇല്ലെന്നും പ്രകാശ് പറഞ്ഞു. അഞ്ചുമണിക്കൂറിലേറെ സമയമെടുത്താണ് അന്വേഷണ സംഘം പ്രകാശ് തമ്പിയെ ചോദ്യം ചെയ്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
