സൗജന്യ യൂണിഫോം വിതരണത്തിനുള്ള ക്രമീകരണങ്ങള്‍ പൂര്‍ത്തിയായി

തിരുവനന്തപുരം: സര്‍ക്കാര്‍ സ്‌കൂളുകളിലെ കുട്ടികള്‍ക്ക് സൗജന്യ യൂമിഫോം വിതരണത്തിനുള്ള ക്രമീകരണങ്ങള്‍ പൂര്‍ത്തിയായെന്ന് വിദ്യാഭ്യാസ മന്ത്രി സി രവീന്ദ്രനാഥ്. അഞ്ചാം ക്ലാസ് വരെയുള്ള കുട്ടികള്‍ക്കാണ്  യൂമിഫോം നല്‍കുക. യൂമിഫോം വിതരണത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിക്കുമെന്നും അദ്ദേഹം പറഞ്ഞു.

രണ്ടു ജോഡി വീതം കൈത്തറി യൂണിഫോമാണ് വിതരണം ചെയ്യാന്‍ പോകുന്നത്. രണ്ടര ലക്ഷത്തോളം വിദ്യാര്‍ഥികള്‍ക്ക് യൂണിഫോം എത്തിക്കും. അത് സാധിക്കാത്തവര്‍ക്ക് നാനൂറ് രൂപ വീതം നല്‍കാനും തീരുമാനിച്ചതായി വിദ്യാഭ്യാസ മന്ത്രി പറഞ്ഞു. തിരുവനന്തപുരം മുതല്‍ എറണാകുളം വരെ ഏഴ് ജില്ലകളില്‍ അതാത് എഇഒ മുഖേന യൂണിഫോം എത്തിക്കാനാണ് തീരുമാനിച്ചിരിക്കുന്നത്.