തിരുവനന്തപുരം: ഹയര്‍സെക്കന്‍ഡറിയില്‍ കണക്കിനും പ്രാക്ടിക്കല്‍ വരുന്നു. ആഴ്ചതോറും പ്രാക്ടിക്കല്‍ പീരിയഡും വര്‍ഷാന്ത്യം മറ്റ് ശാസ്ത്രവിഷയങ്ങള്‍ക്കെന്നപോലെ പരീക്ഷയും ഇതിനുണ്ടാകും. അടുത്ത അധ്യയനവര്‍ഷം മുതല്‍ ഗണിത പ്രാക്ടിക്കല്‍ യാഥാര്‍ത്ഥ്യമാകും.
ഹയര്‍സെക്കന്‍ഡറിയില്‍ ഐടി ഗണിത ലാബുകള്‍ സ്ഥാപിക്കാനും പ്രാക്ടിക്കല്‍ ഏര്‍പ്പെടുത്താനും നേരത്തെ കരിക്കുലം സബ്കമ്മിറ്റി ശുപാര്‍ശ ചെയ്തിരുന്നു. ശുപാര്‍ശയും എസ് സിഇആര്‍ടി തയ്യാറാക്കിയ സമീപനരേഖയും സര്‍ക്കാര്‍ അംഗീകരിച്ച് ഉത്തരവിറങ്ങി.
ഓരോ ആഴ്ചയും തുടര്‍ച്ചയായ രണ്ട് പീരിയഡുകള്‍ ഗണിത പ്രാക്ടിക്കലിന് മാറ്റിവെക്കണം. ഒന്നാം വര്‍ഷം ചുരുങ്ങിയത് എട്ടും രണ്ടാം വര്‍ഷം പതിനാറും ലാബ് പ്രവര്‍ത്തനങ്ങള്‍ നടത്തണം. രണ്ടു മണിക്കൂര്‍ ദൈര്‍ഘ്യമുളള പ്രായോഗിക പരീക്ഷയില്‍ 40 മാര്‍ക്കിനുളള ചോദ്യങ്ങളുണ്ടാകും. ഇതിനായി നിലവിലുളള മൂല്യനിര്‍ണയഘടന മാറ്റും.ഗണിതത്തിന് പ്രത്യേക ലാബുകള്‍ സ്ഥാപിക്കേണ്ടെന്നും നിലവിലെ ഐടി ലാബുകള്‍ ഉപയോഗിക്കാമെന്നും ഉത്തരവിലുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
