വാഷിങ്ടൺ: അമേരിക്കയിൽ 12 മുതൽ 15 വയസ് വരെ പ്രായമുള്ളവർക്ക് കോവിഡ് വാക്സിൻ നൽകാൻ അനുമതി. ഫൈസർ വാക്സിനിന്റെ അടിയന്തര ഉപയോഗത്തിനാണ് അനുമതി നൽകിയിരിക്കുന്നത്.
ഇതോടെ 13 മില്യൺ പേർക്ക് കൂടി അമേരിക്കയിൽ കോവിഡ് വാക്സിൻ ലഭിക്കും. 2000 കൗമാരക്കാരിൽ നടന്ന കോവിഡ് വാക്സിൻ പരീക്ഷണത്തിൽ വാക്സിൻ ഫലപ്രദവും സുരക്ഷിതവുമാണെന്ന് തെളി‌ഞ്ഞതോടെയാണ് അടിയന്തര ഉപയോഗത്തിന് അനുമതി നൽകിയത്.
16 വയസിന് മുകളിലുള്ളവർക്ക് നേരത്തെ തന്നെ കോവിഡ് വാക്സിന് അമേരിക്ക അനുമതി നൽകിയിരുന്നു. കാനഡയാണ് 12 മുതൽ 15 വയസ് വരെ പ്രായമുള്ളവരിൽ കോവിഡ് വാക്സിൻ നൽകാൻ അനുമതി നൽകിയ ആദ്യ രാജ്യം. ഫൈസർ വാക്സിനാണ് അമേരിക്കയും അനുമതി നൽകിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
