ബേണ്: പുതുവത്സരാഘോഷത്തിനിടെ സ്വിറ്റ്സര്ലന്ഡില് റിസോര്ട്ടിലുണ്ടായ സ്ഫോടനത്തില് മരണം നാല്പത് പിന്നിട്ടു. നൂറിലധികം പേര്ക്ക് പരിക്കേറ്റതായും അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നു. എന്നാല് പൊട്ടിത്തെറിയില് അട്ടിമറി സാധ്യതയില്ലെന്നുമാണ് അധികൃതരുടെ നിലപാട്.
സ്ഫോടനത്തില് മരിച്ചവരും പരിക്കേറ്റവരിലും ഭൂരിഭാഗവും വിദേശികളാണെന്നാണ് പൊലീസ് നല്കുന്ന വിവരം. അപകടത്തിന്റെ പശ്ചാത്തലത്തില് ഹെല്പ് ലൈന് തുറന്നതായും കാന്റണ് പൊലീസ് മേധാവി അറിയിച്ചു. പരിക്കേറ്റവരെ സിയോണ്, ലോസാന്, ജനീവ, സൂറിച്ച് എന്നിവിടങ്ങളിലെ ആശുപത്രികളില് പ്രവേശിപ്പിച്ചിട്ടുണ്ടെന്നും റിപ്പോര്ട്ടുകള് പറയുന്നു. മരണ സംഖ്യ സംബന്ധിച്ച കൃത്യമായ കണക്കുകള് ഇതുവരെ ഔദ്യോഗികമായി പുറത്തുവിട്ടിട്ടില്ല.
റിസോര്ട്ട് നഗരം എന്നറിയിപ്പെടുന്ന ക്രാന്സ്മൊണ്ടാനയിലെ സ്വിസ് സ്കൈ റിസോര്ട്ടിലെ ബാറിലാണ് അപകടം ഉണ്ടായത്. പ്രാദേശിക സമയം പുലര്ച്ചെ 1.30ഓടെയായിരുന്നു സ്ഫോടനം. ഉണ്ടായത്. പുതുവര്ഷ ആഘോഷങ്ങള് തുടരുന്നതിനിടെ ആയിരുന്നു സ്ഫോടനം. സ്ഫോടനത്തിന് പിന്നാലെ ബാറില് തീജ്വാലകള് ഉയരുന്നതിന്റെ ദൃശ്യങ്ങള് സമൂഹമാധ്യമങ്ങളില് പ്രചരിക്കുന്നുണ്ട്. സ്ഫോടനം നടക്കുമ്പോള് നൂറിലധികം പേര് ബാറില് ഉണ്ടായിരുന്നു എന്ന് പൊലീസിനെ ഉദ്ധരിച്ച് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
