മനോഹര ന​ഗരം; പക്ഷേ സെൽഫി എടുത്താൽ കുടുങ്ങും, പിഴ 24,000 രൂപ

അതിമനോഹരമാണ് ഇറ്റലിയിലെ പ്ലോർട്ടോഫിനോ ന​ഗരം. രാജ്യത്തെ ഏറ്റവും കളർ ഫുൾ ന​ഗരങ്ങളിൽ ഒന്ന്. സഞ്ചാരികളുടെ ഇഷ്ട കേന്ദ്രം. എന്നാൽ, ഇനിമുതൽ പ്ലോർട്ടോഫിനോയിൽ സെൽഫി എടുക്കുന്നവർ കുടുങ്ങും. ഈ ന​ഗരത്തിൽ സെൽഫി എടുക്കുന്ന ആളുകളിൽ നിന്ന് 275 യൂറോ ( 24,777 രൂപ) പിഴ ഈടാക്കാൻ തീരുമാനിച്ചിരിക്കുകയാണ് പ്രാദേശിക ഭരണകൂടം. 

സെൽഫി എടുക്കുന്നതിന് പിഴ ചുമത്തുന്നതിന് കാരണം എന്തെന്നല്ലെ? ന​ഗരത്തിലെ തിരക്ക് ഒഴിവാക്കാനാണ് നടപടി എന്നാണ് ഭരണകൂടത്തിന്റെ വിശദീകരണം. സഞ്ചാരികൾ സെൽഫി എടുക്കാൻ ധാരളം സമയം ചെലവഴിക്കുന്നതിനാൽ, തിരക്ക് വർധിക്കുന്നു എന്നാണ് ന​ഗരഭരണകൂടം കണ്ടെത്തിയിരിക്കുന്നത്. അതുകൊണ്ട് ഇനിമുതൽ സെൽഫി ഇല്ല. വേ​ഗം തന്നെ കാണേണ്ടതെല്ലാം കണ്ടു തീർത്ത് സ്ഥലം വിട്ടുകൊള്ളണം!

രാവിലെ 10.30 മുതൽ വൈകുന്നേരെ 6 മണിവരെയാണ് സെൽഫിക്ക് നിരോധനം. പ്രധാന ടൂറിസ്റ്റ് മേഖലയായിട്ടും സെൽഫി നിരോധിക്കുന്ന ആദ്യ സ്ഥലമല്ല പ്ലോർട്ടോ. ഇതിന് മുൻപ് സമാനരീതിയിൽ അമേരിക്കയിലെയും യുകെയിലെയും ചില സ്ഥലങ്ങളിൽ സെൽഫി നിരോധിച്ചിരുന്നു. 

ഈ വാർത്ത കൂടി വായിക്കൂ നാവിക സേനാ കപ്പൽ സുഡാനിൽ; വ്യോമസേനയുടെ രണ്ട് വിമാനങ്ങൾ‌ സൗദിയിൽ; ​രക്ഷാ ദൗത്യത്തിന് തുടക്കമിട്ട് ഇന്ത്യ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ