യുഎസ് പ്രസിഡന്റ് തെരഞ്ഞെടുപ്പിലെ പരാജയം അംഗീകരിക്കാന്‍ വിസ്സമ്മതിക്കുന്ന ഡൊണാള്‍ഡ് ട്രംപിനെ തോല്‍വി ബോധ്യപ്പെടുത്താനുള്ള ശ്രമങ്ങളുമായി മരുമകനും ട്രംപിന്റെ മുഖ്യ ഉപദേശകനുമായ ജെറാര്‍ഡ് കുഷ്‌നര്‍. വൈറ്റ് ഹൗസിലെത്തിയ ജെറാര്‍ഡ് ട്രംപിനെ കാര്യങ്ങള്‍ പറഞ്ഞു മനസ്സിലാക്കന്‍ ശ്രമിച്ചുവെന്ന് അമേരിക്കന്‍ മാധ്യമങ്ങള്‍ റിപ്പോര്‍ട്ട് ചെയ്തു.
താനാണ് വിജയി എന്നും അന്തിമഫലം വരാനിരിക്കുന്നതെയുള്ളുവെന്നും ട്രംപ് കഴിഞ്ഞദിവസം പറഞ്ഞിരുന്നു. പരാജയപ്പെട്ടാലും താന്‍ വൈറ്റ് ഹൗസ് വിടില്ലെന്ന് നേരത്തെ ട്രംപ് വ്യക്തമാക്കിയിരുന്നു. വോട്ടെണ്ണലില്‍ കൃത്രിമം നടന്നുവെന്ന് കാണിച്ച് തിങ്കളാഴ്ച സുപ്രീംകോടതിയെ സമീപിക്കാനിരിക്കുകയാണ് ട്രംപ്.
തോല്‍വി അംഗീകരിക്കണമെന്നും ബൈഡന് സ്ഥാനം ഒഴിഞ്ഞുനല്‍കണമെന്നും താന്‍ ട്രംപിനോട് ആവശ്യപ്പെട്ടുവെന്ന് ജെറാര്‍ഡ് പറഞ്ഞതായി വാര്‍ത്താ ഏജന്‍സിയായ എ പി റിപ്പോര്‍ട്ട് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
