ദുബായ്: അപകടഘട്ടങ്ങളില്‍ വേഗത്തില്‍ ഇടപെടല്‍ നടത്താനും ഗതാഗതക്കുരുക്കഴിക്കാനും ഡ്രോണുകള്‍ ഉപയോഗിക്കുമെന്ന് ദുബായ് പൊലീസ്. താമസക്കാര്‍ ഡ്രോണുകള്‍ ശ്രദ്ധയില്‍പ്പെട്ടാല്‍ അവയുടെ നീല അടയാളങ്ങള്‍ കണ്ടെത്തിയാല്‍ അവ പൊലീസിന്റെ ഡ്രോണുകളാണെന്ന് മനസിലാക്കണമെന്നും ദുബായ് പൊലീസ് എക്‌സ് പോസ്റ്റില്‍ പറഞ്ഞു.
അത്യാഹിതങ്ങളില്‍ പെട്ടെന്ന് ഇടപെടാനും ജനങ്ങളുടെ സുരക്ഷ വര്‍ദ്ധിപ്പിക്കാനും ഇത്തരം അത്യാധുനിക സാങ്കേതികവിദ്യ ഉപയോഗിക്കാനാണ് ലക്ഷ്യമിടുന്നതെന്നും പൊലീസ് പറഞ്ഞു. അപകടത്തിന്റെ കാഠിന്യം, പരുക്കേറ്റവരുടെ അവസ്ഥ തുടങ്ങിയ അടിസ്ഥാന വിവരങ്ങള്‍ ഡ്രോണ്‍ വഴി പൊലീസ് ശേഖരിക്കും. കുറ്റകൃത്യങ്ങളില്‍ പ്രതികളെ പിടിക്കാനും ഇനി ഡ്രോണിന്റെ സഹായമുണ്ടാകും. ഡ്രോണ്‍ ബോക്‌സ് എന്നാണ് പറക്കും സഹായിക്ക് പൊലീസ് നല്‍കിയിരിക്കുന്ന പേര്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഗതാഗതക്കുരുക്ക് പരിഹരിക്കാനുള്ള വഴികള്‍ ആകാശ നിരീക്ഷണത്തിലൂടെ പൊലീസിനു മനസ്സിലാക്കാന്‍ ഡ്രോണ്‍ സഹായിക്കും. സുരക്ഷാ സജ്ജീകരണങ്ങള്‍ നടപ്പാക്കുമ്പോഴും പ്രാഥമിക വിവരങ്ങള്‍ ഡ്രോണുകള്‍ നല്‍കും.
അപകടങ്ങള്‍, പ്രകൃതിദുരന്തങ്ങള്‍ തുടങ്ങിയവയുണ്ടാകുന്ന സാഹചര്യത്തില്‍ രക്ഷാപ്രവര്‍ത്തനം നടത്താനും അപകടങ്ങള്‍ മുന്‍കൂട്ടി അറിഞ്ഞ് പ്രതിരോധം ഒരുക്കാനും ഡ്രോണ്‍ നിരീക്ഷണം പൊലീസിനെ സഹായിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
