ടോക്ക്യോ: ജപ്പാനിലെ പുതിയ പ്രധാനമന്ത്രിയായി ഫുമിയോ കിഷിഡയെ തെരഞ്ഞെടുത്തു. പാര്‍ലമെന്റാണ് വോട്ടിട്ട് പുതിയ പ്രധാനമന്ത്രിയെ തെരഞ്ഞെടുത്തത്. കാബിനറ്റ് ഉടന്‍ പ്രഖ്യാപിക്കും.
ഭരണകക്ഷിയായ ലിബറല്‍ ഡെമോക്രാറ്റിക് പാര്‍ട്ടിയില്‍ നടന്ന മത്സരത്തില്‍ താരോ കോനോയൊ പരാജയപ്പെടുത്തിയാണ് ഫുമിയോ പ്രധാനമന്ത്രി പദത്തിലെത്തിയത്.
യോഷിഹിതെ സുഗ പ്രധാനമന്ത്രി പദം രാജിവച്ചതിന് പിന്നാലെയാണ് ഭരണകക്ഷിയില്‍ സ്ഥാനത്തിന് വേണ്ടി തെരഞ്ഞെടുപ്പ് നടന്നത്. പ്രധാനമന്ത്രിയായി സ്ഥാനമേറ്റ് ഒരുവര്‍ഷത്തിനുള്ളിലാണ് സുഗ രാജിവച്ചത്.
സുഗയുടെ മന്ത്രിസഭയിലെ വിദേശകാര്യ മന്ത്രി തോഷിംസു മൊടേഗിയും പ്രതിരോധ മന്ത്രി നോബോ കിഷിയും ഫുമിയോയുടെ കാബിനറ്റിലും തുടരുമെന്നാണ് സൂചന.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
