ഗാസ സിറ്റി: ഇസ്രയേൽ നടത്തിയ ബോംബാക്രമണത്തിൽ ഗാസയില് അന്താരാഷ്ട്ര മാധ്യമങ്ങള് പ്രവര്ത്തിക്കുന്ന കെട്ടിടം തകർന്നു. ഗാസയിൽ പ്രവർത്തിക്കുന്ന 13 നിലകളുള്ള ജല ടവർ ആണ് ഇസ്രയേൽ തകർത്തത്.
ആക്രമണത്തിൽ കെട്ടിടം പൂർണമായും നിലംപൊത്തി. അല്-ജസീറ, അമേരിക്കന് ന്യൂസ് ഏജന്സിയായ അസോസിയേറ്റഡ് പ്രസ്സ് എന്നിവയടക്കം നിരവധി മാധ്യമ ഓഫീസുകളാണ് ഇതിൽ പ്രവർത്തിക്കുന്നത്.
ആക്രമണത്തില് ആളപായം ഉണ്ടായിട്ടുണ്ടോ എന്ന കാര്യം വ്യക്തമല്ല. ആക്രമണത്തിന് ഒരു മണിക്കൂര് മുൻപ് ഇസ്രയേല് സേനയുടെ മുന്നറിയിപ്പ് ലഭിച്ചിരുന്നതിനാല് ജീവനക്കാരെ ഒഴിപ്പിച്ചിരുന്നു.
ഒരാഴ്ചയായി നടക്കുന്ന പലസ്ഥീന്- ഇസ്രയേല് വ്യോമാക്രമണങ്ങളില് ഇതുവരെ 150 ഓളം പേര് കൊല്ലപ്പെട്ടതായാണ് റിപ്പോര്ട്ടുകൾ. ഇതില് 39 കുട്ടികളും 22 സ്ത്രീകളും ഉള്പ്പെടുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
