വാഷിങ്ടണ്‍: വിമാനത്തിലേക്ക് കയറുന്നതിന് ഇടയില്‍ മൂന്ന് വട്ടം കാലിടറി വീണ് യുഎസ് പ്രസിഡന്റ് ജോ ബൈഡന്‍. ഇതോടെ ബൈഡന്റെ ആരോഗ്യാവസ്ഥ സംബന്ധിച്ച ചോദ്യങ്ങള്‍ ഉയര്‍ന്നു. എന്നാല്‍ അദ്ദേഹത്തിന് ആരോഗ്യ പ്രശ്‌നങ്ങള്‍ ഇല്ലെന്ന് ഡെപ്യൂട്ടി പ്രസ് സെക്രട്ടറി കരീന്‍ ജീന്‍ പിയറി പറഞ്ഞു.
എയര്‍ ഫോഴ്‌സ് വണ്‍ വിമാനത്തിന്റെ പടികള്‍ കയറുന്നതിന് ഇടയിലാണ് മൂന്ന് വട്ടം കാലിടറി ബൈഡന്‍ വീണത്. അറ്റ്‌ലാന്റയിലേക്കുള്ള യാത്രയ്ക്കായി വിമാനത്തില്‍ കയറുമ്പോഴാണ് സംഭവം. ഇതിന്റെ വീഡിയോ സമൂഹമാധ്യമങ്ങളില്‍ വൈറലായി.
ആ സമയം ശക്തമായ കാറ്റുണ്ടായിരുന്നതായും, തനിക്കും ബാലന്‍സ് നഷ്ടപ്പെടുന്നത് പോലെ തോന്നിയെന്നും കരീന പിയറേ പറഞ്ഞു. പ്രസിഡന്റ് പുര്‍ണ ആരോഗ്യവാനാണെന്നും അവര്‍ അവകാശപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
