പ്രമുഖ കമ്പനിയായ സോണിയുടെ പുതിയ തലമുറ പ്ലേ സ്റ്റേഷന് വിപണിയില്‍ വലിയ സ്വീകാര്യതയാണ്. പ്ലേ സ്റ്റേഷന് ഫൈവിന്റെ ആവശ്യകത വര്‍ധിച്ചതോടെ പലയിടുത്തും കിട്ടാത്ത അവസ്ഥയാണ്. നവംബര്‍ 12നാണ് കണ്‍സോള്‍ വിപണിയില്‍ എത്തിയത്.
പ്ലേ സ്റ്റേഷന് ഓര്‍ഡര്‍ കൊടുത്തവരില്‍ ചിലര്‍ക്ക് ദുരനുഭവം ഉണ്ടായതായുള്ള വാര്‍ത്തകളും പുറത്തുവന്നിട്ടുണ്ട്.അമേരിക്കയില്‍ പ്ലേ സ്റ്റേഷന് ഫൈവിന് ഓര്‍ഡര്‍ കൊടുത്ത യുവാവിന് ഇഷ്ടികയാണ് ലഭിച്ചത്. ഓണ്‍ലൈന്‍ വഴിയാണ് പ്ലേ സ്റ്റേഷന് ഓര്‍ഡര്‍ നല്‍കിയത്.
ഇ- ബേ എന്ന ഇ-കോമേഴ്‌സ് സ്ഥാപനത്തിലാണ് ഓര്‍ഡര്‍ കൊടുത്തത്. 878 ഡോളര്‍ ഓണ്‍ലൈനായി നല്‍കി പ്ലേ സ്റ്റേഷനായി കാത്തിരുന്ന യുവാവാണ് തട്ടിപ്പിന് ഇരയായത്. പ്ലേ സ്റ്റേഷന് 500 ഡോളറില്‍ താഴെ മാത്രം വില ഉള്ളപ്പോഴാണ് പെട്ടെന്ന് കിട്ടാനായി ഇരട്ടി വില നല്‍കിയത്. കാര്‍ഡ് ബോര്‍ഡ് ബോക്‌സ് തുറന്നപ്പോള്‍ ഇഷ്ടിക കണ്ട് ഞെട്ടിയതായി യുവാവ് പറയുന്നു. ഉടന്‍ തന്നെ പൊലീസിനെ വിവരം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
