ദുബൈ: ഇസ്രയേല്, യുഎസ് സൈനിക നടപടിയില് ഇറാനില് നാലായിരത്തോളം പേര് കൊല്ലപ്പെട്ടതായി റിപ്പോര്ട്ട്. തിങ്കളാഴ്ച പങ്കുവച്ച വിവരങ്ങളിലാണ് പുതിയ മരണ സംഖ്യ പുറത്തുവിട്ടത്. സംഘര്ഷത്തില് കുറഞ്ഞത് 3,375 പേര് കൊല്ലപ്പെട്ടിട്ടുണ്ടെന്നാണ് ഇറാന്റെ ലീഗല് മെഡിസിന് ഓര്ഗനൈസേഷന്റെ തലവനായ അബ്ബാസ് മസ്ജെദി പങ്കുവച്ച വിവരം.
മരിച്ചവരില് 2,875 പുരുഷന്മാരും 496 സ്ത്രീകളും ഉള്പ്പെടുന്നു. മരിച്ചവരില് 383 പേര് 18 വയസും അതില് താഴെയുമുള്ള കുട്ടികളാണെന്ന് മസ്ജെദി പറഞ്ഞു. എന്നാല് മരണക്കണക്കുകളില് സൈനികരുടെ എണ്ണവും, സിവിലിയിന് കണക്കുകളും വേര്തിരിച്ച് നല്കിയിട്ടില്ല.
രാജ്യത്തെ സൈനിക താവളങ്ങളെയും ആയുധപ്പുരകളെയും ലക്ഷ്യമിട്ട് യുഎസും ഇറാനും നടത്തിയ കടുത്ത ആക്രമണങ്ങളുടെ പശ്ചാത്തലത്തില് മരണ സഖ്യയുടെ നിജസ്ഥിതി സംബന്ധിച്ചും അഭ്യൂഹങ്ങളുണ്ട്. ഈ സാഹചര്യത്തിലാണ് കൊല്ലപ്പെട്ട സൈനികരുടെ എണ്ണം കണക്കുകളില് ഇല്ലെന്ന നിലയില് ചര്ച്ചകള് ഉയരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
