ന്യൂഡല്ഹി: ആഗോള സമ്പത്ത് വ്യവസ്ഥയില് നിര്ണായകമായ പശ്ചിമേഷ്യയിലെ എണ്ണ സമ്പത്ത് ഉള്പ്പെടെയുള്ളവയ്ക്ക് എതിരായ ആക്രമണങ്ങളില് ഇറാനോട് ആശങ്ക പ്രകടിപ്പിച്ച് ഇന്ത്യ. ഇറാന് പ്രസിഡന്റ് മസൂദ് പെസഷ്കിയാനുമായി നടത്തിയ ഫോണ് സംഭാഷണത്തിലാണ് മോദി പശ്ചിമേഷ്യന് സാഹചര്യങ്ങളെ കുറിച്ചുള്ള നിലപാട് അറിയിച്ചത്.
ഈദുല് ഫിത്വര്, നൗറൂസ് ആശംസകള് നേര്ന്നു കൊണ്ടായിരുന്നു പ്രധാനമന്ത്രി നരേന്ദ്രമോദി ഇറാന് പ്രസിഡന്റുമായി സംസാരിച്ചത്. പശ്ചിമേഷ്യയിലെ അസ്ഥിരതകള് മാറി സമാധാനത്തിന്റെ നാളുകള് വരുമെന്ന് ഇരു നേതാക്കളും പ്രത്യാശ പങ്കുവച്ചു. മേഖലാ വികസനങ്ങളെക്കുറിച്ചും ഉഭയകക്ഷി സഹകരണം ശക്തിപ്പെടുത്തുന്നതിനെക്കുറിച്ചും നേതാക്കള് ചര്ച്ച നടത്തിയതായി പ്രധാനമന്ത്രിയുടെ ഓഫീസ് അറിയിച്ചു.
അന്താരാഷ്ട്ര കപ്പല് പാതകള് സജീവമക്കുന്നതുള്പ്പെടെയുള്ള വിഷയങ്ങള് ചര്ച്ചയായതായി മോദി ട്വിറ്ററില് പ്രതികരിച്ചു. ഇറാനിലെ ഇന്ത്യന് പൗരന്മാരുടെ സുരക്ഷ ഉറപ്പാക്കുന്നതില് ഇറാന് സ്വീകരിച്ചുവരുന്ന നടപടിയില് ഇന്ത്യ സംതൃപ്തി പ്രകടിപ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
