മോസ്കോ: അപൂർവ്വങ്ങളിൽ അപൂർവ്വം എന്നാണ് ഈ പൾപ്പിൾ-പിങ്ക് വജ്രം അറിയപ്പെടുന്നത്. ലോകത്തിലെ ഏറ്റവും തിളക്കമാർന്ന ഈ വജ്രം ലേലത്തിന് വയ്ക്കുന്നു. ഈ മാസം 11 ന് സോതെബിയിലെ ജനീവ മാഗ്നിഫിഷ്യന്റ് ജ്വല്ലേഴ്‌സാണ് വജ്രം ലേലത്തിൽ വിൽക്കുക.
‘ദി സ്പിരിറ്റ് ഓഫ് റോസ്’ എന്നു പേരുള്ള ഈ വജ്രം 14.83 കാരറ്റ് തൂക്കമുള്ളതാണ്. 2.3 കോടി യു എസ് ഡോളർ മുതൽ 3.8 കോടി വരെ വില ലഭിക്കുമെന്നാണ് പ്രതീക്ഷിക്കുന്നത്. അതായത് 281 കോടിയോളം രൂപ.
ലോകത്തിൽ ഇതുവരെ ലേലത്തിൽ വിൽക്കുന്ന ഏറ്റവും വലിയ പർപ്പിൾ-പിങ്ക് വജ്രമാണിത്. ഇതുവരെ ഖനനം ചെയ്‌തെടുത്ത പിങ്ക് വജ്രങ്ങളിൽ ആകെ ഒരു ശതമാനം മാത്രമേ 10 കാരറ്റിന് മുകളിൽ ഉള്ളു. റഷ്യയുടെ വടക്കുകിഴക്കൻ സഖാ റിപ്പബ്ലിക്കിലെ ഖനന ഭീമനായ അൽറോസയുടെ ഉടമസ്ഥതയിലുള്ള ഖനിയിൽ നിന്നാണ് 2017-ൽ 27.85 കാരറ്റ് പരുക്കൻ പിങ്ക് വജ്രം ലഭിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
