ന്യൂയോർക്കിലെ എട്ട് അടി ഉയരമുള്ള ഗാന്ധിപ്രതിമ തകർത്ത നിലയിൽ 

ന്യൂയോർക്ക്: ന്യൂയോർക്കിലെ മാൻഹട്ടനിലെ യൂണിയൻ സ്വകയറിലെ ഗാന്ധിപ്രതിമ തകർത്ത നിലയിൽ കണ്ടെത്തി. എട്ട് അടി ഉയരമുള്ള പ്രതിമയാണ് അജ്ഞാതർ തകർത്തത്. 

ഗാന്ധിജിയുടെ 117-ാം ജന്മവാർഷികത്തോട് അനുബന്ധിച്ച് ഗാന്ധി മെമ്മോറിയൽ ഇന്റർനാഷണൽ ഫൗണ്ടേഷൻ സമർപ്പിച്ചതാണ് ഈ പ്രതിമ.ഗാന്ധി പ്രതിമ തകർത്ത സംഭവം ഒരിക്കലും അംഗീകരിക്കാനാകില്ലെന്നും ഗൗരവമുള്ള വിഷയമാണെന്നും ന്യൂയോർക്കിലെ ഇന്ത്യൻ കോൺസുലേറ്റ് ജനറൽ പറഞ്ഞു. വിഷയത്തിൽ പ്രദേശിക അധികാരികളോടും യുഎസ് സ്റ്റേറ്റ് ഡിപ്പാർട്ട്‌മെന്റിനോടും വിശദീകരണം തേടിയിട്ടുണ്ട്.