കാബൂള്: അഫ്ഗാനിസ്ഥാനില് താടി വടിക്കുന്നതും ഒതുക്കുന്നതും ഉള്പ്പെടെയുള്ള ജോലികള് ചെയ്യരുതെന്ന് മുടിവെട്ടുകാര്ക്കു താബിലാന് നിര്ദേശം. ഇതു മതനിയമങ്ങള്ക്കു വിരുദ്ധമാണെന്നും ലംഘിച്ചാല് കര്ശന നടപടിയെടുക്കുമെന്നും താബിലാന് മുന്നറിയിപ്പുനല്കി.
നിയമം ലംഘിക്കുന്നവര്ക്ക് തക്കതായ ശിക്ഷയനുഭവിക്കേണ്ടിവരും. പരാതിപ്പെടാന് ആര്ക്കും അധികാരമില്ലെന്നും ഹെര്മണ്ട് പ്രവിശ്യയിലെ സലൂണുകള്ക്കുമുന്നില് പതിച്ച നോട്ടീസില് വ്യക്തമാക്കുന്നു.
നിയമം ലംഘിക്കുന്നവരെ കണ്ടെത്താന് പ്രത്യേകസംഘങ്ങളെ നിയോഗിച്ചതായി താലിബാന് സൈനികര് കടയുടമകളെ ഭീഷണിപ്പെടുത്തി. ശരിയത് നിയമം പിന്തുടരാനും അമേരിക്കന്രീതിയിലുള്ള താടിവെട്ട് അവസാനിപ്പിക്കാനും ആവശ്യപ്പെട്ടിട്ടുണ്ട്.
നേരത്തെ താലിബാന് ഭരണകാലത്ത് ആകര്ഷകമായരീതിയില് മുടിവെട്ടുന്നതിന് താലിബാന് വിലക്കേര്പ്പെടുത്തിയിരുന്നു. താടി നീട്ടിവളര്ത്താനും നിര്ദേശമുണ്ടായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
