പാസ്പോര്‍ട്ട് പുതുക്കലിന് പുതിയ നിബന്ധനകൾ; നിര്‍ദ്ദേശങ്ങള്‍ പുറത്തിറക്കി അബുദാബിയിലെ ഇന്ത്യന്‍ എംബസി

അബുദാബി: പാസ്പോര്‍ട്ട് പുതുക്കലിന് പുതിയ നിബന്ധനകൾ പുറത്തിറക്കി അബുദാബിയിലെ ഇന്ത്യന്‍ എംബസി.  കോവിഡ് 19 പ്രതിരോധത്തിന്റെ ഭാഗമായാണ് നടപടി. നിലവില്‍ പാസ്പോര്‍ട്ട് കാലാവധി കഴിഞ്ഞവരുടെയും 2021 ജനുവരി 31നകം കഴിയുന്നവരുടെയും അപേക്ഷകള്‍ മാത്രമേ നിലവില്‍ പരിഗണിക്കൂ എന്ന് എംബസി അറിയിച്ചു.

അടിയന്തരമായി പാസ്പോര്‍ട്ട് പുതുക്കേണ്ടവര്‍ രേഖകള്‍ സ്‌കാന്‍ ചെയ്ത് മെയിൽ അയക്കണം. cons.abudhabi@mea.gov.in എന്ന ഇമെയില്‍ വിലാസത്തിലാണ് രേഖകൾ അയക്കേണ്ടത്. അടിയന്തര സാഹചര്യം എന്തെന്ന് അപേക്ഷയിൽ വ്യക്തമാക്കണമെന്നും നിർദേശമുണ്ട്. എല്ലാ ഇന്ത്യാക്കാരും നിർദേശങ്ങൾ പാലിക്കണമെന്ന് ഇന്ത്യന്‍ എംബസി അഭ്യര്‍ത്ഥിച്ചു.