അഫ്ഗാനിസ്ഥാനില്‍ നിന്ന് പൂര്‍ണമായും പിന്മാറി അമേരിക്ക; യുഎസ് സേനാ പിന്മാറ്റം ആഘോഷമാക്കി താലിബാന്‍

കാ​ബൂ​ൾ: 20 വർഷത്തിന് ശേഷം അ​ഫ്ഗാ​നി​സ്ഥാ​നി​ൽ ​നി​ന്നും അ​മേ​രി​ക്ക​ൻ സൈ​ന്യം പൂ​ർ​ണ​മാ​യും പി​ന്മാ​റി. അമേരിക്കൻ സൈന്യത്തിന്റെ അവസാന വ്യോമസേന വിമാനവും കാബൂൾ വിട്ടതോടെയാണ് സേനാ പിന്മാറ്റം പൂർണമായത്.

അ​മേ​രി​ക്ക​ൻ വ്യോ​മ​സേ​ന​യു​ടെ അവസാന വിമാനമായ സി-17 ​കാ​ബൂ​ളി​ലെ ഹ​മീ​ദ് ക​ർ​സാ​യി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ​നി​ന്നും പ്രാ​ദേ​ശീ​ക സ​മ​യം തി​ങ്ക​ളാ​ഴ്ച വൈ​കു​ന്നേ​രം 3.29 പ​റ​ന്നു​യ​ർന്നു. യുഎസ് സ്ഥാനപതി റോസ് വില്‍സന്‍ ഉള്‍പ്പെടെയുള്ളവരും അഫ്ഗാന്‍ വിട്ടു.

അ​ഫ്ഗാ​നി​ൽ​ നി​ന്നുള്ള അ​മേ​രി​ക്കയുടെ പിന്മാറ്റത്തിൽ താലിബാൻ  ഭീ​ക​ര​ർ ആ​ഹ്ലാ​ദ പ്ര​ക​ട​നം ന​ട​ത്തി. ആ​കാ​ശ​ത്തേ​ക്ക് നി​റ​യൊ​ഴി​ച്ചാ​ണ് ഭീ​ക​ര​ർ സ​ന്തോ​ഷം പ്ര​ക​ടി​പ്പി​ച്ച​ത്. ചരിത്രം സൃഷ്ടിച്ചെന്നാണ് താലിബാൻ പ്രതികരിച്ചത്. 2461 അമേരിക്കൻ സൈനീകർ അഫ്​ഗാനിൽ മരിച്ചതായാണ് കണക്ക്.