അടുക്കളയില്‍ നിന്ന് ശബ്ദം, കള്ളനെന്ന് കരുതി യുവതി പൊലീസിനെ വിളിച്ചു, പരിശോധനയില്‍ ഞെട്ടി- വീഡിയോ 

പാമ്പ് എന്ന് കേള്‍ക്കുമ്പോള്‍ തന്നെ ഭയപ്പെടുന്നവരാണ് ഭൂരിഭാഗം ആളുകളും. പാമ്പിനെ നേരിട്ട് കണ്ടാലോ, പറയുകയും വേണ്ട!. ഇപ്പോള്‍ തന്റെ ജീവിതത്തില്‍ ഒരിക്കലും മറക്കാന്‍ കഴിയാത്ത ഭീതി നിറഞ്ഞ ഒരു രാത്രിയെ കുറിച്ചുള്ള ഓര്‍മ്മകള്‍ പങ്കുവെയ്ക്കുകയാണ് ഓസ്‌ട്രേലിയന്‍ വനിത.

ക്യൂന്‍സ് ലാന്‍ഡിലാണ് സംഭവം. രാത്രി അടുക്കളയില്‍ നിന്ന് ശബ്ദം കേട്ടാണ് യുവതി എഴുന്നേറ്റത്. ഗ്ലാസ് നിലത്തുവീണ് പൊട്ടുന്ന ശബ്ദമാണ് കേട്ടത്. കള്ളന്‍ വീട്ടില്‍ കയറിയതായിരിക്കും എന്ന് കരുതി യുവതി പൊലീസിനെ ഫോണ്‍ ചെയ്തു.

പൊലീസെത്തി പരിശോധിച്ചപ്പോഴാണ് പാമ്പ് വീട്ടില്‍ കയറിയതാണ് എന്ന് കണ്ടെത്തിയത്. പാത്രങ്ങള്‍ കഴുകി സൂക്ഷിച്ച് വെയ്ക്കുന്നിടത്ത് മറഞ്ഞിരിക്കുകയായിരുന്നു പെരുമ്പാമ്പ്. ഇതിനെ പിടികൂടി വിജനമായ സ്ഥലത്ത് കൊണ്ടുപോയി വിട്ടയച്ചു. ഇതിന്റെ ദൃശ്യങ്ങള്‍ വ്യാപകമായാണ് പ്രചരിക്കുന്നത്.