അഞ്ച് മിനിറ്റ്; നിറവയറുമായി യുവതി ഓടിയത് 1.6 കിലോ മീറ്റര്‍; വീഡിയോ

വെറും അഞ്ച് മിനിറ്റ്. ഒന്‍പതാം മാസത്തില്‍ യുവതി 1.6 കിലോ മീറ്റര്‍ ഓടാനെടുത്തത് ഇത്രമാത്രം സമയം. ഭര്‍ത്താവ് മൈക്കല്‍ മെലറാണ് യുവതി ഓടുന്ന വീഡിയോ പങ്കുവച്ചത്. 

മൈലറും ഭാര്യ മകെന്നയും തമ്മില്‍ നടന്ന ഒരു ബെറ്റാണ് ഇത്തരമൊരു സാഹസത്തിന് പിന്നില്‍. മകെന്നയുടെ രണ്ടാംമാസത്തിലാണ് മൈലര്‍ ബെറ്റിനെക്കുറിച്ച് പറയുന്നത്. ഒമ്പതാം മാസത്തില്‍ 1.6 കി.മീ ഓടിത്തീര്‍ക്കണമെന്നതായിരുന്നു മൈലറുടെ വെല്ലുവിളി.

ബെറ്റ് ജയിച്ചാല്‍ 100 ഡോളര്‍ ഭാര്യയ്ക്ക് സമ്മാനിക്കാമെന്ന് മൈലര്‍  വാഗ്ദാനം നല്‍കുകയും ചെയ്തു. അങ്ങനെയാണ് ഭാര്യ വെല്ലുവിളി സ്വീകരിച്ചതും ഒമ്പതാം മാസത്തില്‍ അഞ്ച് മിനിറ്റ് കൊണ്ട് 1.6 കിലോമീറ്റര്‍ ഓടിത്തീര്‍ത്തതും. മകെന്ന ഓടുന്നതിന്റെ വീഡിയോയും മൈലര്‍ പോസ്റ്റ് ചെയ്തിട്ടുണ്ട്.

നിരവധി പേരാണ് മകെന്നയെ അഭിനന്ദിച്ച് രംഗത്തെത്തിയത്. എന്നാല്‍ ഒമ്പതാം മാസത്തില്‍ ഓടുന്നതിലെ ആരോഗ്യപ്രശ്‌നങ്ങള്‍ ചിലര്‍ ചൂണ്ടിക്കാണിച്ചിട്ടുണ്ട്.