അപകടകാരിയായ കൂറ്റന്‍ ഛിന്നഗ്രഹം ഭൂമിക്ക്‌ അടുത്തു കൂടി കടന്നു പോവുന്നു; ആശങ്ക വേണ്ടെന്ന്‌ നാസ

ഭൂമിയുടെ അടുത്തു കൂടി അപകടകാരിയായ ഛിന്നഗ്രഹം കടന്നു പോവുന്നു. ഏപ്രില്‍ 29ന്‌ ഭൂമിയുടെ അടുത്തു കൂടി ഇത്‌ കടന്നു പോവുമെങ്കിലും ആശങ്കപ്പെടാനില്ലെന്നാണ്‌ വിദഗ്‌ധരുടെ അഭിപ്രായം.

1998 ഓആര്‍ 2 എന്നാണ്‌ ഛിന്നഗ്രഹത്തിന്‌ പേരിട്ടിരിക്കുന്നത്‌. ഭൂമിയുമായി കൂട്ടിയിടിക്കാതെ ഈ ഛിന്നഗ്രഹം കടന്നു പോവുമെന്നാണ്‌ നാസ അറിയിച്ചത്‌. ചെറിയ ടെലിസ്‌കോപ്പ്‌ ഉപയോഗിച്ച്‌ ഛിന്നഗ്രഹം്‌ കാണാന്‍ സാധിക്കും.

കാലാവസ്ഥ അനുകൂലമായാല്‍ 6 ഇഞ്ച്‌ ടെലിസ്‌കോപ്പില്‍ ഛിന്നഗൃഹത്തിന്റെ സഞ്ചാരം കാണാം. ഭൂമിയില്‍ നിന്ന്‌ 6.3 മില്യണ്‍ കിമീ അകലെയായാണ്‌ ഈ ഛിന്നഗ്രഹത്തിന്റെ സഞ്ചാരപഥം. മണിക്കൂറില്‍ 40000 മൈല്‍ വേഗതയാണ്‌ ഇതിനുള്ളതെന്ന്‌ നാസ വ്യക്തമാക്കി.