ആണ്‍വേഷം കെട്ടി പുതിയ മോഡല്‍ ബൈക്കുകള്‍ മോഷ്ടിക്കുന്നത് പതിവ്; അവസാനം യുവതിയും സഹായിയും പൊലീസ് വലയില്‍ 

ആണ്‍വേഷം കെട്ടി ബൈക്ക് മോഷണം നടത്തിയ പതിനെട്ടുകാരിയെ പാകിസ്ഥാനിലെ കറാച്ചിയില്‍ അറസ്റ്റ് ചെയ്തു. പെണ്‍കുട്ടിക്കൊപ്പം ഉണ്ടായിരുന്ന ഇരുപതുകാരനെയും മൗരിപൂര്‍ പൊലീസ് അറസ്റ്റ് ചെയ്തിട്ടുണ്ട്.

പുതിയ മോഡല്‍ ബൈക്കുകള്‍ മോഷ്ടിക്കുന്നത് ഇവരുടെ പതിവായിരുന്നു എന്ന് പൊലീസ് പറയുന്നു. മോഷ്ടിച്ച ബൈക്കുകള്‍ വില്‍ക്കാനുള്ള ശ്രമത്തിനിടെയാണ് ഇവരെ പൊലീസ് കുരുക്കിയത്. 

താന്‍ ഒരു ബൈക്ക് പോലും മോഷ്ടിച്ചിട്ടില്ല എന്നായിരുന്നു പെണ്‍കുട്ടിയുടെ നിലപാട്. മറ്റൊരാളാണ് തനിക്ക് ബൈക്ക് കൈമാറിയതെന്നും പറഞ്ഞു. എന്നാല്‍ പൊലീസിന്റെ തുടര്‍ന്നുള്ള ചോദ്യം ചെയ്യലില്‍ പെണ്‍കുട്ടി താന്‍ ബൈക്ക് മോഷണം നടത്തിയതായി സമ്മതിക്കുകയായിരുന്നു.