ടെഹ്‌റാന്‍: ഇറാന്‍ എണ്ണടാങ്കറിനുനേരെ റോക്കറ്റ് ആക്രമണം. സൗദി തുറമുഖ നഗരമായ ജിദ്ദയ്ക്കുസമീപം ചെങ്കടലിലാണ് എണ്ണ ടാങ്കറിന് നേരെ രണ്ട് റോക്കറ്റുകള്‍ തൊടുത്തത്. ആക്രമണത്തില്‍ ടാങ്കറിന് കനത്ത നാശം സംഭവിച്ചതായാണ് റിപ്പോര്‍ട്ടുകള്‍. ഇതോടെ സൗദി അറേബ്യയും ഇറാനും തമ്മിലുളള സംഘര്‍ഷം കൂടുതല്‍ മുറുകുമോ എന്ന ആശങ്കയിലാണ് ഗള്‍ഫ്‌മേഖല.
ആക്രമണത്തില്‍ ടാങ്കറിന്റെ സ്‌റ്റോര്‍ റൂമുകള്‍ തകര്‍ന്ന് എണ്ണച്ചോര്‍ച്ചയുണ്ടായെന്ന് ഇറാന്‍ വ്യക്തമാക്കി. രണ്ട് റോക്കറ്റുകളാണ് ടാങ്കറില്‍ പതിച്ചത്. സംഭവത്തെക്കുറിച്ച് സൗദി അറേബ്യ ഇതേവരെ പ്രതികരിച്ചിട്ടില്ല.
ഇറാന്റെ ദേശീയ എണ്ണക്കമ്പനിയുടെ ഉടമസ്ഥതയിലുള്ള സാബിറ്റി എന്നകപ്പലിനുനേരെയായിരുന്നു ആക്രമണം. ഭീകരാക്രമണമാണെന്ന് ഇറാന്‍ അധികൃതര്‍ പ്രതികരിച്ചതായാണ് പുറത്തുവരുന്ന റിപ്പോര്‍ട്ടുകള്‍. നിലവില്‍ തന്നെ ചെങ്കടലില്‍ സംഘര്‍ഷം നിലനില്‍ക്കുകയാണ്. ഇന്ത്യന്‍ മഹാസമുദ്രത്തെ മെഡിറ്റേറിയന്‍ കടലുമായി ബന്ധിപ്പിക്കുന്ന ഷിപ്പിങ് പാതയാണ് ചെങ്കടല്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
