പാരീസ്: മണ്‍മറഞ്ഞെന്ന് എല്ലാവരും കരുതിയിരുന്ന മൗസ് ഡീറിനെ വിയറ്റ്‌നാമില്‍ കണ്ടെത്തി. മാനിന്റെ സ്പീഷീസിനെയാണ് 30 വര്‍ഷത്തിനു ശേഷം ഗവേഷകര്‍ കണ്ടെത്തിയിരിക്കുന്നത്. 1990ലാണ് മൗസ് ഡീറിനെ അവസാനമായി കണ്ടത്. എലിയുടെ മുഖവും മാനിന്റെ രൂപവുമാണ് മൗസ് ഡീറിന്‌. നേച്ചര്‍ ഇക്കോളജി ആന്റ് എവല്യൂഷനാണ് മൗസ് ഡിയറിന്റെ പിന്തുടര്‍ച്ചക്കാരെ കണ്ടെത്തിയ വിവരം പ്രസിദ്ധീകരിച്ചിരിക്കുന്നത്.
1910ലാണ് മൗസ് ഡീറിനെ ആദ്യമായി കണ്ടെത്തിയത്. ഹോചിമിന്‍ നഗരത്തിന്റെ 450 കിലോമീറ്റര്‍ പരിധിയില്‍വെച്ചായിരുന്നു ഇത്. വേട്ടയാടലിലൂടെ ഈ സ്പീഷീസിന് 1990കളോടെ വംശനാശം സംഭവിച്ചുവെന്നാണ് വിദഗ്ദര്‍ കരുതിയിരുന്നത്.
വനത്തില്‍ സ്ഥാപിച്ച മുപ്പത് ക്യാമറകളുടെ സഹായത്തോടെയാണ് മൗസ് ഡിയറിനെ ഗവേഷകര്‍ കണ്ടെത്തിയത്. 'ക്യാമറകള്‍ പരിശോധിച്ചപ്പോള്‍ ഞങ്ങള്‍ അത്ഭുതപ്പെട്ടുപോയി. ഞങ്ങള്‍ക്ക് മൗസ് ഡിയറിനെ കാണാന്‍ കഴിഞ്ഞു' ഗവേഷകനായ ആന്‍ ഗ്വേന്‍ വാര്‍ത്താ ഏജന്‍സിയായ എഎഫ്പിയോട് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
