ബെയ്ജിങ് : ബ്രിട്ടനിലെ ചൈനീസ് അംബാസഡറുടെ ട്വിറ്റര്‍ അക്കൗണ്ടില്‍ അശ്ലീല വീഡിയോകള്‍. ലണ്ടനിലെ ചൈനീസ് അംബാസഡര്‍ ലിയു സിയോമിങിന്റെ ട്വിറ്റര്‍ അക്കൗണ്ടിലാണ് ബുധനാഴ്ച ഒരുമണിക്കൂറിലേറെ അശ്ലീലദൃശ്യങ്ങള്‍ തുടര്‍ന്നത്.
ഇത് ശ്രദ്ധയില്‍പ്പെട്ട് നീക്കം ചെയ്യുന്നതിനിടെ നിരവധി കമന്റുകളും പ്രതികരണങ്ങളുമാണ് നിറഞ്ഞത്. സംഭവത്തില്‍ ചൈന കടുത്ത രോഷത്തിലാണ്.
സംഭവത്തെപ്പറ്റി വിശദമായ അന്വേഷണം നടത്താനും, പിന്നില്‍ പ്രവര്‍ത്തിച്ചവരെ കണ്ടെത്താനും ചൈനീസ് എംബസി, ട്വിറ്റര്‍ കമ്പനിയോട് ആവശ്യപ്പെട്ടു. അംബാസഡറുടെ ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടതാണെന്നും എംബസി വെബ്‌സൈറ്റിലൂടെ അറിയിച്ചു.
ചില ചൈന വിരുദ്ധ ഘടകങ്ങള്‍ അംബാസഡര്‍ ലിയു സിയോമിങിന്റെ ട്വിറ്റര്‍ അക്കൗണ്ടിനെ ആക്രമിക്കുകയും പൊതുജനങ്ങളെ കബളിപ്പിക്കാന്‍ നിന്ദ്യമായ മാര്‍ഗ്ഗങ്ങള്‍ പ്രയോഗിക്കുകയും ചെയ്തുവെന്നും എംബസി പ്രസ്താവനയില്‍ കുറ്റപ്പെടുത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
