സനോഫി-ജിഎസ്‌കെ കമ്പനികളുടെ സംയുക്ത കോവിഡ് 19 വാക്‌സിന്‍ മനുഷ്യരിലെ പരീക്ഷണം തുടങ്ങി. അമേരിക്കയില്‍ 11 കേന്ദ്രങ്ങളിലായി 440 ആളുകളിലാണ് ഇവര്‍ നിര്‍മ്മിക്കുന്ന പ്രോട്ടീന്‍ അധിഷ്ഠിത വാക്‌സിന്റെ പരീക്ഷണം പുരോഗമിക്കുന്നത്‌. ഈ വര്‍ഷം ഡിസംബറോടെ വാക്‌സിന്‍ പരീക്ഷണം അവസാന ഘട്ടത്തില്‍ എത്തുമെന്ന് അധികൃതര്‍ അറിയിച്ചു.
മരുന്നിന്റെ സുരക്ഷിതത്വവും സഹിഷ്ണുതയും പ്രതിരോധ പ്രവര്‍ത്തനങ്ങളും ആണ് ആദ്യ ഘട്ടത്തില്‍ വിലയിരുത്തുന്നത്. പരീക്ഷണ ഫലങ്ങള്‍ അനുകൂലമാണെങ്കില്‍ അടുത്തവര്‍ഷം ആദ്യ പകുതിയില്‍ തന്നെ മരുന്നിന് അംഗീകാരം ലഭിക്കുമെന്നാണ് ഇരു കമ്പനികളും പ്രതീക്ഷിക്കുന്നത്. 2021ല്‍ ഒരു ലക്ഷം കോടി വാക്‌സിന്‍ ഡോസ് നിര്‍മ്മിക്കാനുള്ള പ്രവര്‍ത്തനങ്ങളും ഇവര്‍ നടത്തിവരുന്നുണ്ട്.
സനോഫി-ജിഎസ്‌കെ നിര്‍മ്മിത വാക്‌സിന്‍ കൂടാതെ നിരവധി പരീക്ഷണങ്ങള്‍ വിവിധ ഘട്ടങ്ങളിലായി പുരോഗമിക്കുന്നുണ്ട്. പല നിര്‍മ്മാതാക്കളും മൂന്നാം ഘട്ട പരീക്ഷണത്തില്‍ എത്തിക്കഴിഞ്ഞു. അതേസമയം ഈ രംഗത്തുള്ള പ്രവൃത്തിപരിചയം തങ്ങള്‍ക്ക് ഗുണകരമാകുമെന്ന പ്രതീക്ഷയിലാണ് സനോഫി-ജിഎസ്‌കെ കമ്പനികള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
