ചാവേറാക്രമണം; പക്കിസ്ഥാനിൽ സ്ഥാനാർഥിയടക്കം രണ്ട് പേർ കൊല്ലപ്പെട്ടു

ലാഹോർ: പാക്കിസ്ഥാനിലെ വടക്ക് പടിഞ്ഞാറൻ പ്രവിശ്യയായ ഖൈബറിലുണ്ടായ ചാവേർ  ആക്രമണത്തിൽ സ്ഥാനാർത്ഥിയും അദ്ദേഹത്തിന്റെ ഡ്രൈവറും കൊല്ലപ്പെട്ടു. മുൻ ക്രിക്കറ്റ് താരവും പ്രമുഖ നേതാവുമായ ഇമ്രാൻ ഖാന്റെ തെഹി‌രിക് ഇ ഇൻസാഫ് പാർട്ടി സ്ഥാനാർത്ഥിയായ ഇക്രാമുള്ള ഗാന്ധ്പൂർ ആണ് കൊല്ലപ്പെട്ടത്. തിരഞ്ഞെടുപ്പ് റാലി കഴിഞ്ഞ് വീട്ടിലേക്ക് മടങ്ങവേയാണ് ചാവേറാക്രമണത്തിൽ ഇരുവരും കൊല്ലപ്പെട്ടത്. സംഭവത്തിൽ രണ്ട്  പൊലീസുകാരടക്കം മൂന്ന് പേർക്ക് പരുക്കേറ്റിട്ടുണ്ട്. മുൻ കൃഷി മന്ത്രിയാണ് കൊല്ലപ്പെട്ട ഇക്രാമുള്ള. നിയമ മന്ത്രിയായിരുന്ന സഹോദരൻ സമാന രീതിയിൽ തന്നെ നേരത്തെ കൊല്ലപ്പെട്ടിരുന്നു.