തങ്ങളെ തീവ്രവാദികളെന്ന് വിളിച്ച അമേരിക്കന്‍ പ്രസിഡന്റ് ഡൊണാള്‍ഡ്‌ ട്രംപിന്റെ വാക്കുകള്‍ തള്ളി ഹമാസ് നേത്യത്വം. ഹമാസിനെ തീവ്രവാദ ഗ്രൂപ്പായി വളച്ചൊടിക്കാനാണ് ട്രംപ് ശ്രമിക്കുന്നതെന്ന് ഹമാസ് വക്താവ് പറഞ്ഞു. ട്രംപ് ഞങ്ങളുടെ ഇമേജ് നശിപ്പിക്കാന്‍ ശ്രമിക്കുകയാണ് എന്നും സയണിസ്റ്റ് ശക്തികളോട് ചായുകയാണെന്നും ഹമാസ് വക്താവ് പറഞ്ഞതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.
മുന്‍ഗമികളുടെ അതേ നിലപാടുകള്‍ തന്നെയാണ് ട്രംപ് പിന്തുടരുന്നത് എന്ന് ഹമാസ് ആരോപിച്ചു. ഞങ്ങളുടെ യുദ്ധം പടിഞ്ഞാറിനോടോ ട്രംിനോടോ അല്ല,ഇസ്രയേലിനോടാണ് ഹമാസ് വ്യക്തമാക്കി.
സൗദി സന്ദര്‍ശന വേളയില്‍ 55 മുസ്‌ലിം രാജ്യങ്ങളുടെ പ്രതിനിധികളോട് റിയാദില്‍ സംസാരിക്കവെയായിരുന്നു ട്രംപിന്റെ പരാമര്‍ശം. ഇസ്ലാമിക സ്റ്റേറ്റ്, അല്‍ഖയിദ,ബിസ്ബുള്ള,ബമാസ് ഇവയെല്ലാം ഒരേ തരത്തില്‍പ്പെട്ട തീവ്രവാദ സംഘടനകള്‍ ആണ് എന്നായിരുന്നു ട്രംപിന്റെ പരാമര്‍ശം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
