ലണ്ടന്: ബ്രിട്ടനിൽ വെള്ളിയാഴ്ച ഇറങ്ങിയ പത്രങ്ങളുടെ ഒന്നാം പേജിലെ തലക്കെട്ട് ഒരുപോലെ. കൊറോണ വൈറസ് പടര്ന്നു പിടിക്കുന്ന സാഹചര്യത്തില് ജനങ്ങൾക്ക് പിന്തുണ പ്രഖ്യാപിച്ചായിരുന്നു പത്രങ്ങളുടെ ഈ ശ്രദ്ധേയ ശ്രമം.
വൈറസ് ബാധയില് ബുദ്ധിമുട്ടുമ്പോള് വായനക്കാരോടുള്ള ഐക്യദാര്ഢ്യം പ്രകടിപ്പിക്കുന്നതിന്റെ ഭാഗമായാണ് പത്രങ്ങള് ഒന്നാം പേജില് ഒരേ തലക്കെട്ടും വാര്ത്തയും നല്കി ഐക്യം പ്രഖ്യാപിച്ചത്. ബ്രിട്ടണിലെ അമ്പതിലേറെ പത്രങ്ങള് വെള്ളിയാഴ്ച ഈ രീതിയിലാണ് വായനക്കാര്ക്ക് മുന്നിലേക്കെത്തിയത്.
ഞങ്ങള് നിങ്ങള്ക്കൊപ്പമുണ്ടെന്ന ക്യാമ്പെയ്നിന്റെ ഭാഗമായി 'When You're on your own, we are there with you' എന്ന തലക്കെട്ടോടെയായിരുന്നു എല്ലാ പത്രങ്ങളുടെയും ഒന്നാംപേജിലെ പ്രധാന വാര്ത്ത. ഓക്സ്ഫോര്ഡ് മെയില്, ന്യൂസ് ആന്ഡ് സ്റ്റാര്, എക്കോ, ദി പ്രസ്, ഡെയിലി എക്കോ, ഈസ്റ്റേണ് ഡെയ്ലി പ്രസ്, ഈസ്റ്റ് ആംഗ്ലിയന് ഡെയ്ലി ടൈംസ്, കാംബ്രിഡ്ജ് ന്യൂസ്, യോർക്ക്ഷെയർ പോസ്റ്റ് തുടങ്ങിയ പത്രങ്ങളെല്ലാം ക്യാമ്പയ്നിന്റെ ഭാഗമായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
