ന്യൂയോര്‍ക്ക്: തടവുകാരില്‍ ഒരാള്‍ക്ക് കൊറോണ വൈറസ് ബാധ സ്ഥിരീകരിച്ചതിന് പിന്നാലെ ഒൻപത് വനിതാ തടവുകാർ ജയിൽ ചാടി. അമേരിക്കയിലെ സൗത്ത് ഡക്കോട്ടയിലാണ് സംഭവം. സൗത്ത് ഡക്കോട്ടയിലുള്ള ജയിലില്‍ നിന്നാണ് വനിതാ തടവുകാര്‍ രക്ഷപ്പെട്ടത്.
ഒൻപത് സ്ത്രീകളാണ് ജയിലില്‍ നിന്ന് രക്ഷപ്പെട്ടതെന്നും ഇവരില്‍ മൂന്ന് പേരെ പിടികൂടിയെന്നും ഡിപ്പാര്‍ട്ട്‌മെന്റ് ഓഫ് കറക്ഷന്‍സ് അറിയിച്ചു. അതേസമയം, ആറ് പേരെ ഇതുവരെ കണ്ടെത്താനായില്ലെന്നും അധികൃതര്‍ പറഞ്ഞു.
കഴിഞ്ഞ ദിവസമാണ് തടവുകാരില്‍ ഒരാള്‍ക്ക് കൊറോണ വൈറസ് ബാധ സ്ഥിരീകരിച്ചത്. ഇതോടെ മറ്റു തടവുകാരില്‍ ഭയവും ആശങ്കയും വര്‍ധിച്ചിരുന്നു. അതിനിടെയാണ് ഒൻപത് സ്ത്രീകള്‍ ജയിലില്‍ നിന്ന് രക്ഷപ്പെട്ടത്.
ജയിലില്‍ നിന്ന് കടന്നു കളഞ്ഞവരുടെ പേരും മറ്റു വിവരങ്ങളും അധികൃതര്‍ പുറത്തുവിട്ടിട്ടുണ്ട്. ജയില്‍ ചാടിയതിന് ഇവര്‍ക്കെതിരെ കേസെടുക്കുമെന്നും അഞ്ച് വര്‍ഷം കൂടി തടവ് അനുഭവിക്കേണ്ടിവരുമെന്നും അധികൃതര്‍ വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
