ദുബായ്: നെതര്‍ലാൻഡിലെ കൊടുംകുറ്റവാളി ദുബായില്‍ പിടിയിലായി. നെതര്‍ലാന്റിലെ 'ഏയ്ഞ്ചല്‍ ഓഫ് ഡെത്ത് 'എന്ന മയക്കുമരുന്ന് മാഫിയ സംഘത്തിന്റെ തലവനായ റിദോണ്‍ ടാഖി (41) യെയാണ് പിടികൂടിയത്. ദുബായ് പൊലീസിന്റെ സഹായത്തോടെ നെതര്‍ലാന്റ് പൊലീസാണ് അതിവിദഗ്ധമായി ഇയാളെ വലയിലാക്കിയത്.
കൊലപാതകം, മയക്കുമരുന്ന് കച്ചവടം തുടങ്ങി നിരവധി കേസുകളില്‍ മുഖ്യപ്രതിയാണ് റിദോണ്‍. 11 കൊലപാതകക്കേസുകൾ ഇയാൾക്കെതിരെയുണ്ട്. നെതർലാൻഡ് പൊലീസ് പിടികിട്ടാപ്പുള്ളിയായി പ്രഖ്യാപിച്ച കൊടുംകുറ്റവാളിയായ റിദോൺ ടാഖി വ്യാജ പാസ്‌പോര്‍ട്ട്, വിസ, തിരിച്ചറിയല്‍ കാര്‍ഡ് എന്നിവ ഉപയോഗിച്ചാണ് ദുബായിൽ എത്തിയതെന്ന് ദുബായ് പൊലീസ് പറയുന്നു.
വിദേശികളായ സഹായികള്‍ക്കൊപ്പമാണ് ഇയാള്‍ ദുബായില്‍ കഴിഞ്ഞിരുന്നത്. ദുബായിലുള്ള കാലത്ത്‌ ഇയാള്‍ കുറ്റകൃത്യങ്ങളില്‍ ഏര്‍പ്പെട്ടതായി കണ്ടെത്തിയിട്ടില്ല. റിദോണിനെ പിടികൂടിയ വിവരം നെതര്‍ലാന്റ് മന്ത്രി ഫെര്‍ഡിനന്റ് ഗ്രപ്പര്‍ഹൗസ് സ്ഥിരീകരിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
