ലണ്ടന്‍: കാറിനുളളില്‍ സിഗററ്റ് കത്തിച്ച ഡ്രൈവര്‍ അത്ഭുതകരമായി രക്ഷപ്പെട്ടു. അതേസമയം കാര്‍ പൊട്ടിത്തെറിച്ചു. പുക ഉയരുന്നത് കണ്ട് ഡ്രൈവര്‍ തത്ക്ഷണം ഓടിമാറുകയായിരുന്നു.കാറിനുളളില്‍ അമിതമായി എയര്‍ ഫ്രഷ്‌നര്‍ സ്പ്രേ ചെയ്തതാണ് പൊട്ടിത്തെറിക്ക് കാരണമെന്ന് പൊലീസ് പറയുന്നു.
ബ്രിട്ടണില്‍ ശനിയാഴ്ച വൈകീട്ടാണ് സംഭവം. വെസ്റ്റ് യോര്‍ക്ക്ഷയറില്‍ പാര്‍ക്ക് ചെയ്തിരുന്ന കാറാണ് പൊട്ടിത്തെറിച്ചത്. കാറിന്റെ വിന്‍ഡ് സ്‌ക്രീന്‍ അടക്കം തകര്‍ന്നു. ഈസമയം കാറിന്റെ അരികില്‍ ഉണ്ടായിരുന്ന കാര്‍ ഉടമ നിസാര പരിക്കുകളോടെ അത്ഭുതകരമായാണ് രക്ഷപ്പെട്ടതെന്ന് പൊലീസ് പറയുന്നു. പുക ഉയരുന്നത് കണ്ട് ആപത്ത് തിരിച്ചറിഞ്ഞ കാര്‍ ഉടമ ഓടി മാറുകയായിരുന്നു.
കാറില്‍ അമിതമായ തോതില്‍ എയര്‍ ഫ്രഷ്‌നര്‍ സ്പ്രേ ചെയ്തിരുന്നു. അപകടം മനസ്സിലാക്കാതെ കാറിനുളളില്‍ വച്ച് സിഗററ്റ് കത്തിച്ചതാണ് പൊട്ടിത്തെറിക്ക് കാരണമെന്ന് പൊലീസ് പറയുന്നു. ഖരത്തിന്റെയോ ദ്രാവകത്തിന്റെയോ സൂക്ഷ്മകണികകള്‍ ഒരു വാതകത്തില്‍ തങ്ങി നിര്‍ത്തുന്ന സംവിധാനമാണ് എയര്‍ ഫ്രഷ്‌നര്‍ പോലെയുളള സ്‌പ്രേകളില്‍ ഉപയോഗിക്കുന്നത്. ഇത് തീയുമായി സമ്പര്‍ക്കത്തിലേര്‍പ്പെട്ടതാണ് പൊട്ടിത്തെറിക്ക് കാരണം. ഇക്കാര്യത്തില്‍ വാഹന ഉടമകള്‍ ജാഗ്രത പാലിക്കണമെന്ന് ബ്രീട്ടിഷ്‌ പൊലീസ് മുന്നറിയിപ്പ് നല്‍കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
