വാഷിങ്ടന്‍: കി കി ഡാന്‍സ് ചലഞ്ച് ചെയ്യുന്ന ചെറുപ്പക്കാരുടെ എണ്ണം ലോകത്തിന്റെ പല ഭാഗങ്ങളില്‍ ഉയര്‍ന്നതോടെ ഇതുമായി ബന്ധപ്പെട്ട അപകടങ്ങളും കൂടി. അതോടെ സുരക്ഷാ അധികൃര്‍ നിരീക്ഷണം കര്‍ശനമാക്കി. കേരളത്തിലടക്കം പൊലീസ് മുന്നറിയിപ്പുമായി രംഗത്തുണ്ട്. സഞ്ചരിക്കുന്ന കാറില്‍ നിന്ന് ഇറങ്ങി നിന്ന് നൃത്തം ചെയ്യുന്നതാണ് കി കി.
ഇപ്പോഴിതാ കി കി ചലഞ്ച് ചെയ്യരുതെന്ന് ചൂണ്ടിക്കാട്ടി ഇന്റര്‍നെറ്റ് കൊമേഡിയന്‍ ഷിഗ്ഗി രംഗത്ത്. കി കി ചലഞ്ച് ആദ്യമായി ചെയ്ത് ഇന്റര്‍നെറ്റിലൂടെ പ്രചരിപ്പിച്ചത് ഷിഗ്ഗിയായിരുന്നു. എന്നാല്‍ ഇത് ഷൂട്ട് ചെയ്ത സമയത്ത് സഞ്ചരിക്കുന്ന കാറില്ലായിരുന്നുവെന്ന് ഷിഗ്ഗി പറയുന്നു. എന്നാല്‍ സംഭവം വൈറലായതോടെ കൂടുതല്‍ പേര്‍ ഇത് ചെയ്ത് രംഗത്തെത്തി. ഇതോടെ അപകടങ്ങളും വര്‍ധിച്ചതോടെയാണ് ഷിഗ്ഗിയുടെ അഭ്യര്‍ഥന. ഇത്തരം സാഹസികതകളെ പിന്തുണയ്ക്കില്ലെന്ന് അദ്ദേഹം വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
