നേപ്പാളില്‍ വിദ്യാര്‍ത്ഥികള്‍ സഞ്ചരിച്ച ബസ്സ് കൊക്കയിലേക്ക് മറിഞ്ഞു; 21 മരണം; 15 പേരുടെ നില അതീവഗുരുതരം

കാഠ്മണ്ഡു: നേപ്പാളില്‍ വിദ്യാര്‍ത്ഥികള്‍ സഞ്ചരിച്ച ബസ്സ് കൊക്കയിലേക്ക് മറിഞ്ഞ് 21 പേര്‍ മരിച്ചു. മരിച്ചവരില്‍ കൊളേജ് വിദ്യാര്‍ത്ഥികളും അധ്യാപകരും ഉള്‍പ്പെടുന്നു. പരുക്കേറ്റ 15 പേരുടെ നില ഗുരുതരമാണെന്നാണ് റിപ്പോര്‍ട്ടുകള്‍.

പഠനയാത്രയ്ക്ക് പോയ വിദ്യാര്‍ത്ഥികളാണ് അപകടത്തില്‍പ്പെട്ടത്. നേപ്പാളിലെ കൃഷ്ണ സെന്‍ ലുക്ക് പോളിടെക്‌നിക്കിലെ ബോട്ടണി വിദ്യാര്‍ത്ഥികളാണ് അപകടത്തില്‍പ്പെട്ടത്. വാഹനം 1640 അടി താഴ്ചയുള്ള കൊക്കയിലേക്ക് മറയുകയായിരുന്നു. പരുക്കറ്റവരെ സമീപത്തെ ആശുപത്രിയിലെത്തിച്ചിട്ടുണ്ടെങ്കിലും പരുക്ക് ഗുരുതരമാണ്.