ബെയ്ജിങ്: ചൈനയില് ജയിന്റ് വീലില് അപകടത്തില്പ്പെട്ട അഞ്ചുവയസുകാരന് അത്ഭുതകരമായി രക്ഷപ്പെട്ടു. ജയിന്റ് വീലിന്റെ ഓപ്പറേറ്റര്മാര് സമയോചിതമായി ഇടപെട്ടാണ് കുട്ടിയെ രക്ഷിച്ചത്.
സിജിയാങ് പ്രവിശ്യയിലെ തായ്സൂ യുവാന് അമ്യൂസ്മെന്റ് പാര്ക്കിലാണ് സംഭവം. പണം ലാഭിക്കാന് അമ്മ കുട്ടിയെ തനിച്ച് ജയിന്റ് വീലില് കയറ്റി വിട്ടതാണ് അപകടത്തിന് കാരണം.ജയിന്റ് വീലില് കുട്ടി ഇരുന്ന ഭാഗം കറങ്ങി മുകളില് എത്തിയപ്പോഴാണ് അപകടം സംഭവിച്ചത്.കുട്ടി സീറ്റിനോട് ചേര്ന്നുളള ക്യാരേജ് ഡോര് തുറന്ന് പുറത്തു കടക്കാന് ശ്രമിച്ചു. കാലുകള് ആദ്യം പുറത്തിട്ട് പുറത്ത് കടക്കാനുളള ശ്രമത്തിനിടയില് കുട്ടി കമ്പിയില് കുടുങ്ങുകയായിരുന്നു.ഈ സമയം കുട്ടി ഭൂനിരപ്പില് നിന്ന് 130 അടി ഉയരത്തിലായിരുന്നു.
അപകടത്തില്പ്പെട്ട കുട്ടി കാലിട്ടടിച്ച് ഒച്ചവെയ്ക്കുന്നത് ശ്രദ്ധയില്പ്പെട്ട ഓപ്പറേറ്റര്മാര് ജയിന്റ് വീല് സാവധാനം താഴ്ത്തി കുട്ടിയെ പുറത്ത് എത്തിക്കുകയായിരുന്നു. കഴുത്തിനും മറ്റും നിസാരപരിക്കുകള് ഒഴിച്ച് കുട്ടിയ്ക്ക് വലിയ ആരോഗ്യപ്രശ്നങ്ങളില്ലെന്ന് ഡോക്ടര്മാര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
