പത്ത് ലക്ഷം രൂപയും 40 ലക്ഷത്തിന്റെ സ്വർണവുമടങ്ങിയ ബാ​ഗ് കിട്ടി, തിരിച്ചേർപ്പിച്ച് ഇന്ത്യക്കാരൻ മാതൃകയായി; യുഎഇ പൊലീസിന്റെ ആദരം

ദുബായ്: കളഞ്ഞുകിട്ടിയ ബാഗ് തിരികെയേൽപ്പിച്ച ഇന്ത്യക്കാരന് യുഎഇ പൊലീസിന്റെ ആദരം. പത്ത് ലക്ഷത്തിലധികം രൂപയും 40 ലക്ഷത്തിലധികം രൂപയുടെ സ്വർണവും അടങ്ങിയ ബാഗ് ആണ് ദുബായിൽ താമസിക്കുന്ന റിതേഷ് ജെയിംസ് ഗുപ്ത എന്നയാൾ തിരികെയേൽപ്പിച്ചത്. ഉത്തരവാദിത്തമുള്ള പൗരനെന്ന നിലയിൽ റിതേഷിന്റെ പ്രവൃത്തിയെ അഭിനന്ദിച്ച് അദ്ദേഹത്തിന് യുഎഇ പൊലീസ് പ്രശംസാപത്രം നൽകിയെന്നാണ് റിപ്പോർട്ട്.

ബാഗിന്റെ ഉടമയെ കുറിച്ച് ഇതുവരെ സൂചന ലഭിച്ചിട്ടില്ല. പണമായി 14,000 അമേരിക്കൻ ഡോള(10,28,671രൂപ)റും 54,452 അമേരിക്കൻ ഡോളർ(40,00,942 രൂപ)മൂല്യമുള്ള സ്വർണവുമാണ് ബാഗിലുണ്ടായിരുന്നത്.