പാക് ജയിലിൽ ഇന്ത്യൻ തടവുകാരൻ മരിച്ചു;  ആരോ​ഗ്യ പ്രശ്നങ്ങളുണ്ടായിരുന്നുവെന്ന്  അധികൃതർ

കറാച്ചി: പാകിസ്ഥാനിലെ ജയിലിൽ കഴിഞ്ഞിരുന്ന ഇന്ത്യൻ തടവുകാരൻ മരിച്ചതായി റിപ്പോർട്ടുകൾ. ​ഗുജറാത്ത് സ്വദേശിയായ ബിക്കാഭായ് ബാംബിനിയ (51) എന്ന മത്സ്യത്തൊഴിലാളിയാണ് മരിച്ചത്. 

ശാരീരിക അസ്വാസ്ഥ്യങ്ങളെ തുടർന്ന് കഴിഞ്ഞ ആഴ്ച അദ്ദേഹത്തെ ആശുപത്രിയിൽ പ്രവേശിപ്പിച്ചിരുന്നതായി ഇന്ത്യയെ അറിയിച്ചിരുന്നു. വിദേശകാര്യ മന്ത്രാലയവുമായി ബന്ധപ്പെട്ട് എത്രയും വേ​ഗം മൃതദേഹം നാട്ടിലെത്തിക്കാനുള്ള ശ്രമങ്ങൾ നടത്തിവരികയാണ്. 

2017 നവംബറിലാണ് അതിർത്തി ലംഘിച്ച് മത്സ്യബന്ധനം നടത്തിയതിനെ തുടർന്ന് ബിക്കുഭായിയെ പാകിസ്ഥാൻ അറസ്റ്റ് ചെയ്തത്. 

പുല്‍വാമ ഭീകരാക്രമണത്തിന് ശേഷം ഇന്ത്യയും പാകിസ്ഥാനും തമ്മിലുള്ള ബന്ധം വഷളായതോടെ ഇരു രാജ്യങ്ങളിലെയും തടവുപുള്ളികളുടെ കുടുംബങ്ങളും  ആശങ്കയിലാണ്.