ലണ്ടന്‍: ബ്രെക്‌സിറ്റ് വിഷയത്തിലുണ്ടായ അഭിപ്രായ ഭിന്നതയെ തുടര്‍ന്ന് ബ്രിട്ടീഷ് വിദേശ കാര്യ സെക്രട്ടറി ബോറിസ് ജോണ്‍സണ്‍ രാജി വച്ചു. ബ്രെക്‌സിറ്റിന് വേണ്ടി ജനങ്ങള്‍ അത്ര തീവ്രമായി ആഗ്രഹിച്ചിരുന്നുവെന്നും എന്നാലിപ്പോള്‍ ആ സ്വപ്‌നം മരിച്ചുവെന്നുമാണ് രാജിക്കത്തില്‍ ബോറിസ് ജോണ്‍സണ്‍ വ്യക്തമാക്കിയിരിക്കുന്നത്. ആരോഗ്യ സെക്രട്ടറിയായിരുന്ന ജെറമി ഹണ്ടാണ് പുതിയ വിദേശകാര്യ സെക്രട്ടറി.
സമയാനുബന്ധിതമായി ബ്രെക്‌സിറ്റ് നടപ്പിലാക്കുന്നതില്‍ തെരേസാ മെയ് സര്‍ക്കാരിന് വീഴ്ച വന്നുവെന്നും അദ്ദേഹം ചൂണ്ടിക്കാട്ടി. ജനങ്ങള്‍ അസംതൃപ്തരാണ്. അതിനും പുറമേയാണ് ഇനിയും അവര്‍ക്കുമേല്‍ അടിച്ചേല്‍പ്പിക്കുന്ന വ്യാപാര- വാണിജ്യ നിബന്ധനകളുമെന്നും ജോണ്‍സണ്‍ പറഞ്ഞു.
ബ്രെക്‌സിറ്റ് സെക്രട്ടറി ഡേവിഡ് ഡേവിസിന്റെയും മറ്റ് ചില ഉദ്യോഗസ്ഥരുടെയും രാജിക്ക് പിന്നാലെയാണ് ബോറിസ് ജോണ്‍സണും രാജിവച്ചിരിക്കുന്നത്. യൂറോപ്യന്‍ യൂണിയന്‍ വിട്ടു പോന്നതിന് ശേഷം യൂണിയനുമായി സ്വീകരിക്കുന്ന പ്രധാനമന്ത്രിയുടെ നയങ്ങളില്‍ അവ്യക്തതയുണ്ടെന്ന് ചൂണ്ടിക്കാട്ടിയിയിരുന്നു. ഡേവിസ് കഴിഞ്ഞ ദിവസം രാജിവച്ചത്. ബോറിസ് ജോണ്‍സന്റെ രാജി തന്നെ അത്ഭുതപ്പെടുത്തുന്നാണ് പ്രധാനമന്ത്രി തെരേസാ മെയ് പ്രതികരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
