റിയാദ്: മക്കയിലെ ഹറം പള്ളിയിലേക്ക് അതിവേഗതയില്‍ കാറോടിച്ച് കയറ്റാന്‍ ശ്രമിച്ചയാള്‍ പിടിയില്‍. ഹറം സുരക്ഷാ വിഭാഗമാണ് ഇയാളെ പിടികൂടിയത്. സ്വദേശി പൗരനാണ് കാറോടിച്ച് കയറ്റാന്‍ ശ്രമിച്ച് പിടിയിലായത്.
ഹറം പള്ളിയുടെ തെക്ക് ഭാഗത്തുള്ള ഗെയിറ്റിലാണ് കാര്‍ ചെന്നിടിച്ചത്. കാര്‍ ശക്തമായി ഇടിച്ചതിന്റെ ഫലമായി വാതിലിനു കേടുപാടുകള്‍ സംഭവിച്ചിട്ടുണ്ട്.
കാറോടിച്ച് കയറ്റിയ വ്യക്തി മാനസിക വിഭ്രാന്തിയുള്ള ആളാണെന്നാണ് റിപ്പോര്‍ട്ട്. കഴിഞ്ഞ ദിവസം രാത്രി സൗദി സമയം പത്തരയ്ക്കായിരുന്നു സംഭവം. ആര്‍ക്കും പരിക്കേറ്റതായി റിപ്പോര്‍ട്ടില്ല. പ്രതിയെ നടപടിക്രമങ്ങള്‍ക്കായി പബ്ലിക് പ്രോസിക്യൂഷന് കൈമാറിയതായി സുരക്ഷാ വിഭാഗം വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
