മിന്നലാക്രമണം നടത്തിയാൽ ഒന്നിന് പത്തെന്ന നിലയിൽ തിരിച്ചടിക്കും; ഇന്ത്യക്ക് മുന്നറിയിപ്പുമായി പാക്കിസ്ഥാൻ

ഇസ്ലാമാബാദ്: ഇന്ത്യയുടെ മിന്നലാക്രമണങ്ങൾക്ക് ശക്തമായ തിരിച്ചടി നൽകുമെന്ന് പാക്കിസ്ഥാൻ. ഭാവിയിൽ ഇന്ത്യ മിന്നലാക്രമണം നടത്തിയാൽ അത്തരത്തിലുള്ള ഓരോ മിന്നലാക്രമണത്തിനും പത്ത് മിന്നലാക്രമണങ്ങൾ തിരിച്ചടിയായി നൽകും. സൈനിക മേധാവി ജനറൽ ഖമർ ജാവേദ് ബാജ്‌വയ്ക്കൊപ്പം ലണ്ടൻ സന്ദർശിക്കവേ പാക്കിസ്ഥാൻ സൈനിക വക്താവ് മേജർ ജനറൽ ആസിഫ് ഗഫൂർ മാധ്യമങ്ങളോട് പ്രതികരിക്കവേയാണ് ഇക്കാര്യം പറഞ്ഞത്. 

ഇനിയൊരു മിന്നലാക്രമണമുണ്ടായാൽ അത് പത്തായി ഇന്ത്യയ്ക്ക് തിരിച്ച് നൽകും. പാക്കിസ്ഥാനെതിരെ അതിസാഹസത്തിന് ശ്രമിക്കുന്നവർക്ക് രാജ്യത്തിന്റെ ശേഷിയെ കുറിച്ച് യാതൊരു സംശയവും വേണ്ട. ചൈനയും പാക്കിസ്ഥാനും തമ്മിലുള്ള സാമ്പത്തിക ഇടനാഴിയുടെ ഉത്തരവാദിത്വം പാക്കിസ്ഥാന് തന്നെയാണ്. ഈ മെഗാ പദ്ധതിയിലൂടെ ഇരു രാജ്യങ്ങൾക്കുമിടയിലുള്ള സഹകരണം കൂടുതൽ ശക്തമാകും പാക്കിസ്ഥാനിൽ ജനാധിപത്യം ശക്തിപ്പെടണമെന്നാണ് സൈന്യം ആഗ്രഹിക്കുന്ന ഗഫൂർ പറഞ്ഞു.