രോഗികളായ കുഞ്ഞുങ്ങള്‍ക്ക് ചാക്ക് നിറയെ സമ്മാനവുമായി പാപ്പയെത്തി; കുഞ്ഞു കണ്ണുകളിൽ വിസ്മയങ്ങളും അമ്പരപ്പും നിറച്ച് ഒബാമ 

വാ​ഷിങ്ട​ണ്‍: ചാ​ക്കു നി​റ​ച്ച്‌ സ​മ്മാ​ന​ങ്ങ​ളു​മാ​യി ക്രി​സ്മ​സ് പാ​പ്പയെത്തിയപ്പോൾ അവരുടെയെല്ലാം കുഞ്ഞു കണ്ണുകളിൽ വിസ്മയം പൂത്തു. ഒപ്പം കുറച്ച് അമ്പരപ്പും. പലർക്കും വിശ്വസിക്കാൻ കഴിഞ്ഞില്ല. വാഷിങ്ടണിലെ കുട്ടികളുടെ ആശുപത്രിയിൽ സാന്റാക്ലോസിന്റെ വേ​ഷ​ത്തി​ല്‍ എത്തിയ മു​ന്‍ യു​എ​സ് പ്ര​സി​ഡ​ന്‍റ് ബ​റാ​ക് ഒ​ബാ​മയായിരുന്നു കു​ട്ടി​ക​ള്‍​ക്ക് അ​മ്പ​ര​പ്പും അ​തി​ലേ​റെ സ​ന്തോ​ഷ​വും സമ്മാനിച്ചത്. വാ​ഷിങ്ട​ണി​ലെ ചി​ല്‍​ഡ്ര​ന്‍​സ് നാ​ഷ​ണ​ല്‍ ഹെ​ല്‍​ത്ത് സി​സ്റ്റം ആ​ശു​പ​ത്രി​യി​ലാ​യി​രു​ന്നു ഒ​ബാ​മ​യു​ടെ അ​പ്ര​തീ​ക്ഷി​ത സ​ന്ദ​ര്‍​ശ​നം.

രോഗികളായ കുഞ്ഞുങ്ങള്‍ക്കു സമ്മാനവുമായെത്തിയ ഒബാമ സാന്റ കു​ട്ടി​ക​ള്‍​ക്കൊ​പ്പം ആ​ടു​ക​യും പാ​ടു​ക​യും ചെ​യ്തു. ഒപ്പം അവർക്ക് ക​ളി​പ്പാ​ട്ട​ങ്ങ​ള്‍ സ​മ്മാ​നി​ക്കു​ക​യും ചെ​യ്തു. പ്രതീക്ഷിക്കാതെയെത്തിയ ഒബാമ സമ്മാനങ്ങൾ നൽകിയപ്പോൾ കുഞ്ഞു മുഖങ്ങളില്‍ സന്തോഷം പടര്‍ന്നു. കുറച്ചു നേരത്തേക്കെങ്കിലും എല്ലാ വേദനയും മറന്ന് അവര്‍ ചിരിച്ചു കളിച്ചു. സമ്മാനവുമായെത്തിയ ഒബാമയെ ആരവങ്ങളോടെയാണ് കുട്ടികള്‍ സ്വീകരിച്ചത്. ക്രിസ്മസ് പാപ്പയുടെ വേഷത്തിൽ ഒ​ബാ​മ​യെ അ​പ്ര​തീ​ക്ഷി​ത​മാ​യി കണ്ടപ്പോ​ള്‍ കു​ഞ്ഞു​ങ്ങ​ള്‍ സ​ന്തോ​ഷ​ത്താ​ല്‍ വി​ങ്ങിപ്പൊട്ടി.

കുട്ടികള്‍ക്കു സമ്മാനങ്ങള്‍ പങ്കിട്ടു നല്‍കിയ ഒബാമ അവരുടെ കൂടെ സമയം ചെലവഴിക്കാനും ഫോട്ടോയ്ക്കു പോസ് ചെയ്യാനും മറന്നില്ല. ബരാക് ഒബാമയുടെ ഭാര്യ മിഷേല്‍ ഒബാമ എല്ലാ വര്‍ഷവും ക്രിസ്തുമസിന് കുട്ടികള്‍ക്കു സമ്മാനവുമായി ഈ ആശുപത്രിയില്‍ എത്താറുണ്ട്. സം​ഭ​വ​ത്തി​ന്‍റെ വീ​ഡി​യോ ഓ​ണ്‍​ലൈ​നി​ല്‍ പോ​സ്റ്റ് ചെയ്തപ്പോൾ ല​ക്ഷ​ങ്ങ​ളാ​ണു ക​ണ്ട​ത്. രാ​ഷ്ട്രീ​യ, സി​നി​മ, കാ​യി​ക രം​ഗ​ത്തെ പ്ര​ഗ​ത്ഭ​ര്‍ ഒ​ബാ​മ​യു​ടെ ട്വീ​റ്റ് റീ ​ട്വീ​റ്റ് ചെ​യ്തി​ട്ടു​ണ്ട്. ക​ഴി​ഞ്ഞ കൊ​ല്ലം സാ​ന്റാക്ലോ​സാ​യി ഒ​ബാ​മ വാ​ഷിങ്ട​ണി​ലെ സ്കൂ​ളി​ല്‍ കു​ട്ടി​ക​ളെ കാ​ണാ​ന്‍ എ​ത്തി​യി​രു​ന്നു. 

ബരാക് ഒബാമയുടെ ഓഫീസ് അംഗങ്ങളും ആശുപത്രി അധികൃതരുമാണ് കുട്ടികള്‍ക്കുള്ള സമ്മാനങ്ങള്‍ ശേഖരിച്ചത്. ആശുപത്രിയിലെത്തിയ ഒബാമ ജീവനക്കാരെ അവര്‍ നടത്തുന്ന സേവനങ്ങള്‍ക്കായി പ്രശംസിക്കാനും മറന്നില്ല. എല്ലാവര്‍ക്കും ക്രിസ്മസ് പുതുവത്സരാശംസകള്‍ നേര്‍ന്ന ശേഷമാണ് ഒബാമ മടങ്ങിയത്.