വാഷിങ്ടന്‍: മൈക്രോസോഫ്റ്റ് മേധാവിയായ ഇന്ത്യന്‍ വംശജന്‍ സത്യ നദെല്ല ഇക്കഴിഞ്ഞ സാമ്പത്തിക വര്‍ഷം വാങ്ങിയ ശമ്പളം 4.3 കോടി ഡോളര്‍. രൂപയില്‍ കണക്കാക്കിയാല്‍ 300 കോടിയിലേറെ. തൊട്ടുമുന്‍ കൊല്ലത്തേക്കാള്‍ 66 ശതമാനം കൂടുതല്‍.
നദെല്ലയുടെ അടിസ്ഥാന ശമ്പളം 23 ലക്ഷം ഡോളറാണ്. എന്നാല്‍ കമ്പനിയുടെ മൂന്ന് കോടി ഡോളര്‍ മൂല്യമുള്ള ഓഹരിയും ആനുകൂല്യമായി ലഭിച്ചു. ഒരു കോടിയിലേറെ മറ്റ് ഇന്‍സന്റീവ് ആയും ലഭിക്കും.
കഴിഞ്ഞ വര്‍ഷം ബിസിനസില്‍ വന്‍ മന്നേറ്റമാണ് നടത്തിയതെന്നു കമ്പനി വിലയിരുത്തി. 2014ല്‍ ചുമതലയേറ്റ നദെല്ലയുടെ നേതൃത്വത്തില്‍ ക്ലൗഡ് കമ്പ്യൂട്ടിങിലെ വന്‍ ശക്തിയായി മാറി.
ആപ്പിള്‍ സിഇഒ ടി കുക്ക് 112 കോടി രൂപയാണ് കഴിഞ്ഞ വര്‍ഷം നേടിയത്. ഗൂഗിള്‍ സിഇഒ ആയ ഇന്ത്യന്‍ വംശജന്‍ സുന്ദര്‍ പിച്ചയ് 19 ലക്ഷം ഡോളറാണ് വാങ്ങിയത്. കമ്പനിയുടെ ഓഹരി ഇന്‍സന്റീവ് വാഗ്ദാനം അദ്ദേഹം നിരസിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
