ഫ്‌ളോറിഡ : റസ്റ്റോറന്റ് ജീവനക്കാരന്റെ അടുക്കളയിലെ കുളി സമൂഹമാധ്യമങ്ങളില്‍ വൈറലായി. മില്‍ട്ടനിലെ അമേരിക്കന്‍ ഫാസ്റ്റ് ഫുഡ് റസ്‌റ്റോറന്റായ ചെയിന്‍ വെന്‍ഡിയിലാണ് സംഭവം. കുളി വീഡിയോ പുറത്തായതോടെ വന്‍ പ്രതിഷേധമാണ് ഉയര്‍ന്നത്.
റസ്റ്റോറന്റിലെ ഇന്‍ഡസ്ട്രിയല്‍ സിങ്കാണ് ജീവനക്കാരന്‍ ബാത്ത് ടബ്ബാക്കി മാറ്റിയത്. സോപ്പുവെള്ളം നിറച്ച് അടിവസ്ത്രം മാത്രമിട്ട് രാജകീയമായിട്ടായിരുന്നു സ്‌നാനം. ഒപ്പമുണ്ടായിരുന്ന സഹജീവനക്കാര്‍ പ്രോല്‍സാഹിപ്പിക്കുകയും, നീരാട്ട് വീഡിയോയില്‍ പകര്‍ത്തുകയും ചെയ്തു.
വീഡിയോ ഓണ്‍ലൈനില്‍ വന്‍ വൈറലായി. ഫെയ്‌സ്ബുക്കില്‍ പത്തുലക്ഷത്തോളം പേരാണ് ഈ വീഡിയോ കണ്ടത്. ഇതിന് പിന്നാലെ റസ്റ്റോറന്റിനെതിരെ പ്രതിഷേധം ശക്തമായി. ഇതോടെ അടുക്കളയില്‍ നീരാട്ട് നടത്തിയ ജീവനക്കാരനെ പിരിച്ചുവിട്ട് ഹോട്ടല്‍ മാനേജ്‌മെന്റ് തടിതപ്പി.
ജീവനക്കാരന്റെ പെരുമാറ്റം അംഗീകരിക്കാനാവാത്തതാണ്. ഈ സംഭവം വളരെ ഗൗരവത്തോടെയാണ് കാണുന്നത്. ജീവനക്കാരനെ ജോലിയില്‍ നിന്നും പുറത്താക്കിയെന്നും, റസ്റ്റോറന്റിന്റെ ഗുണമേന്മയില്‍ കര്‍ശന ജാഗ്രത ഉറപ്പുവരുത്തുമെന്നും ചെയിന്‍ വെന്‍ഡി റസ്റ്റോറന്റ് ഉടമ വാര്‍ത്താക്കുറിപ്പില്‍ അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
