വര്‍ണ്ണങ്ങള്‍ വാരിവിതറിയ പുതപ്പ് പോലെ; 'നൃത്തം' ചെയ്യുന്ന നീരാളി, അപൂര്‍വ്വ ദൃശ്യം

നീരാളി എല്ലാവര്‍ക്കും ഒരു അത്ഭുതമാണ്. നീരാളിയുടെ നിരവധി വേറിട്ട ചിത്രങ്ങള്‍ ഇതിനോടകം പുറത്തുവന്നിട്ടുണ്ട്. നീരാളിയുടെ രഹസ്യങ്ങള്‍ തേടിയുള്ള യാത്രയിലാണ് ശാസ്ത്രലോകം. ഇപ്പോള്‍ അപൂര്‍വ്വയിനം നീരാളിയാണ് വാര്‍ത്തകളില്‍ നിറയുന്നത്.

വര്‍ണ്ണശബളമായ പുതപ്പിന്റെ ആകൃതിയിലുള്ള നീരാളിയുടെ ദൃശ്യമാണ്‌
പ്രചരിക്കുന്നത്. ഓസ്‌ട്രേലിയ ക്യൂന്‍സ്ലാന്‍ഡിലെ പ്രസിദ്ധമായ പവിഴപ്പുറ്റുകളുടെ ശൃംഖലയായ ഗ്രേറ്റ് ബാരിയര്‍ റീഫിലാണ് നൃത്തം ചെയ്യുന്നത് പോലെ തോന്നുന്ന നീരാളിയുടെ ദൃശ്യങ്ങള്‍ പകര്‍ത്തിയത്. 

അപൂര്‍വ്വമായി മാത്രമാണ് ഇതിനെ കണ്ടുവരുന്നതെന്നാണ് വിദഗ്ധര്‍ പറയുന്നത്. ജീവശാസ്ത്രജ്ഞന്‍ ജസീന്ത ഷാക്കിള്‍ട്ടണ്‍ ആണ് ഇതിനെ കണ്ടെത്തിയത്.