43 പേരുമായി പറന്ന വിമാനം ടാൻസാനിയയിൽ തടാകത്തിൽ തകർന്നുവീണു; വിഡിയോ 

ഡോഡോമ സിറ്റി: 39 യാത്രക്കാരുമായി പറന്ന വിമാനം ആഫ്രിക്കൻ രാജ്യമായ ടാൻസാനിയയിൽ തടാകത്തിൽ തകർന്നുവീണു. 39 യാത്രക്കാരും രണ്ട് പൈലറ്റും രണ്ട് ക്രൂ അംഗങ്ങളും ഉൾപ്പെടെ 43 പേരാണ് വിമാനത്തിലുണ്ടായിരുന്നത്. വടക്കുപടിഞ്ഞാറൻ നഗരമായ ബുക്കോബയിൽ ലാൻഡ് ചെയ്യുന്നതിന് തൊട്ടുമുൻപാണ് വിമാനം തകർന്നത്.  

മോശം കാലാവസ്ഥയെത്തുടർന്നായിരുന്നു അപകടം. 26 പേരെ രക്ഷപ്പെടുത്തി ആശുപത്രിയിലേക്ക് മാറ്റിയെന്ന് റീജിനൽ കമ്മിഷണർ ആർബർട്ട് ചാലമില അറിയിച്ചു. രക്ഷാപ്രവർത്തനം പുരോഗമിക്കുകയാണ്.
 
ടാൻസാനിയയിലെ സ്വകാര്യ എയർലൈനായ പ്രിസിഷൻ എയർ വിമാനമാണ് അപകടത്തിൽപ്പെട്ടത്. ടാൻസാനിയയിലെ വിക്ടോറിയ തടാകത്തിലാണ് വിമാനം തകർന്നു വീണത്. 

ഈ വാര്‍ത്ത കൂടി വായിക്കൂ 

101 സ്ത്രീകളുടെ മൃതദേഹങ്ങൾ ലൈം​ഗികമായി ദുരുപയോ​ഗം ചെയ്തു; വെളിപ്പെടുത്തി ഡേവിഡ് ഫുള്ളർ; ഞെട്ടൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ